• ত্ৰিপুৰাত বিজেপি-চিপিআই(এম)ৰ সমৰ্থকৰ সংঘাত, গোচৰ ৰুজু

    ৰাজনৈতিক

    আগৰতলা : ত্ৰিপুৰাত শাসকীয় বিজেপি আৰু চিপিআই(এম)ৰ সমৰ্থকৰ মাজত সংঘৰ্ষ। কালি সন্ধিয়া সংঘটিত হোৱা এই সংঘৰ্ষত কমেও পাঁচজনকৈ লোক আহত হৈছে। ইয়াৰ ভিতৰত দুজন আৰক্ষীৰ লোকো আছে। এই ঘটনাৰ পাছতে আৰক্ষীয়ে তিনিটাকৈ গোচৰ ৰুজু কৰিছে।

    কালি সন্ধিয়া খোৱাই জিলাত এই সংঘৰ্ষৰ সূত্ৰপাত ঘটিছিল। এই সংঘৰ্ষৰ বাবে দুয়োটা দলে পৰস্পৰক দোষ দি আৰক্ষীৰ ওচৰত অভিযোগ দাখিল কৰিছে। এই সম্পৰ্কে তথ্য প্ৰকাশ কৰি আৰক্ষীৰ এগৰাকী শীৰ্ষ বিষয়া ৰাজীৱ সূত্ৰধৰে বিষয়টোৰ তদন্ত চলি থকা বুলি প্ৰকাশ কৰিছে।

    সংঘাতত লিপ্ত হোৱা বিজেপি আৰু চিপিআই(এম)ৰ সমৰ্থকসকলে দুয়োটা দলৰে দুটা কাৰ্যালয়ৰ ক্ষতিসাধন কৰাৰো অভিযোগ উঠিছে।

    Weather Forecast