দেশৰ গণতন্ত্ৰ, সংবিধানৰ প্ৰতি সৃষ্টি হৈছে প্ৰচণ্ড ভাবুকি : পি চিদাম্বৰম

• Image Credit: Internet

• Jan 9, 2021 | moderator

গুৱাহাটী : অসম প্ৰদেশ কংগ্ৰেছ কমিটীৰ আইন বিভাগৰ উদ্যোগত আজি ‘ৰাজ্যিক আইন অভিৱৰ্তন’ অনুষ্ঠিত হৈছে৷ মাছখোৱাৰ প্ৰাগজ্যোতিষ আইটিএ চেণ্টাৰত অনুষ্ঠিত হৈছে এই অনুষ্ঠান৷ অনুষ্ঠানত ‘ভাৰতবৰ্ষৰ গণতন্ত্ৰ আৰু সংবিধানৰ প্ৰতি প্ৰত্যাহ্বান আৰু ভাবুকি’ শীৰ্ষক বিষয়ত উদ্বোধনী বক্তব্য প্ৰদান কৰে ৰাজ্যসভাৰ সাংসদ, দেশৰ প্ৰাক্তন বিত্তমন্ত্ৰী তথা গৃহমন্ত্ৰী পি চিদাম্বৰমে৷ ভাৰ্চুৱেল মাধ্যমৰ জৰিয়তে চিদাম্বৰমে বক্তব্য প্ৰদান কৰে৷

আৰু পঢ়িব পাৰিব : লোমহৰ্ষক : বান্দ্ৰাৰ হাস্পতালত অগ্নিকাণ্ডত ১০ নৱজাতকৰ মৃত্যু

উল্লেখ্য যে, পি চিদাম্বৰমে ভাৰ্চুৱেল ভাষণৰ প্ৰাক মুহূৰ্তত ধমক দিলে ৰাজ্যিক সভাপতি ৰিপুণ বৰাক৷ চিদাম্বৰমৰ ফোন ৰিচিভ নকৰাৰ বাবে অভিৱৰ্তনতে ধমক ৰিপুণ বৰাক৷ এই অনুষ্ঠানত উপস্থিত আছে প্ৰদেশ কংগ্ৰেছৰ তত্বাৱধায়ক জিতেন্দ্ৰ সিং, প্ৰদেশ কংগ্ৰেছৰ সভাপতি ৰিপুণ বৰা, ৰাজ্যসভাৰ সাংসদ তথা নিখিল ভাৰত কংগ্ৰেছ কমিটীৰ আইন আৰু মানৱ অধিকাৰ বিভাগৰ অধ্যক্ষ বিবেক তানখা৷

আৰু পঢ়িব পাৰিব : কাৰাৰুদ্ধ অখিল গগৈ ‘ৰাইজৰ দল’ৰ সভাপতি : ৯০ জনীয়া কাৰ্যনিৰ্বাহক সমিতি গঠন…

পি চিদাম্বৰমে বক্তব্যত কয়, ২০১৯- ২০ৰ দৰে গণতন্ত্ৰৰ প্ৰতি ভয়ানক বৰ্ষ কেতিয়াও নাছিল ভাৰতত৷ এই পৰিবেশৰ পৰা দেশক উদ্ধাৰৰ বিকল্প নাই৷ দেশৰ গণতন্ত্ৰ আৰু সংবিধানৰ প্ৰতি সৃষ্টি হৈছে প্ৰচণ্ড ভাবুকি। বিজেপিৰ শাসনত দেশৰ যুক্তৰাষ্ট্ৰীয় পদ্ধতিৰ প্ৰতি সৃষ্টি হৈছে প্ৰথম প্ৰত্যাহ্বান। স্বতন্ত্ৰ প্ৰতিষ্ঠানৰ প্ৰতিও সৃষ্টি হৈছে ভাবুকি। চিদাম্বৰমে লগতে কয়, নিৰ্বাচন আয়োগো বাদ পৰা নাই এই প্ৰক্ৰিয়াৰ পৰা। সংখ্যালঘুৰ অধিকাৰৰ প্ৰতি সচেতন নহয় বিজেপি চৰকাৰ৷