• শদিয়াত ৯৮ কাৰ্টন সুৰা জব্দঃ ভোটাৰৰ মাজত বিলাবলৈ অনাৰ অভিযোগ

    ৰাজনৈতিক

    শদিয়াঃ ৰাজ্যৰ বিধানসভা নিৰ্বাচনৰ দিন চমু চাপি অহাৰ লগে লগে ৰাজ্যজুৰি প্ৰচাৰকাৰ্য তুংগত উঠিছে। ইফালে নিৰ্বাচনকেন্দ্ৰিক অথন্তৰে দেখা দিয়াৰ সন্দেহতে ৰাজ্যজুৰি প্ৰশাসন ব্যৱস্থাও কঠোৰ হৈ পৰিছে। শদিয়া সমষ্টিৰ অন্তৰ্গত ঢলাত ৯৮ কাৰ্টন অৰুণাচলী অবৈধ সুৰা জব্দ কৰিছে প্ৰশাসনে।

    আৰু পঢ়িব পাৰিব : ‘কাঁ চলচ্চিত্ৰ মহোৎসৱ’ত উজলিল জয় বৰুৱাৰ নাম

    নিৰ্বাচনত বিলাবলৈ ভাৰতীয় জনতা পাৰ্টীৰ শদিয়া সমষ্টিটোৰ প্ৰাৰ্থী বলিন চেতিয়াই ৯৮ কাৰ্টন অৰুণাচলী অবৈধ সুৰা আনি গুডামত গোপনে ৰখাৰ অভিযোগ উত্থাপন কৰিছে ছৈখোৱা যুৱ কংগ্ৰেছৰ কৰ্মীসকলে। বিজেপিৰ কৰ্মী ৰাজু মেধিয়ে ভাৰাতীয়া গুডামত অৰুণাচলী অবৈধ সুৰা থকাৰ তথ্য লাভ কৰিছিল ছৈখোৱা যুৱ কংগ্ৰেছৰ কৰ্মীসকলে।

    আৰু পঢ়িব পাৰিব : অগপৰ নিৰ্বাচনী ইস্তাহাৰ মুকলি : ‘কা’ সন্দৰ্ভত একো উল্লেখ নাই ইস্তাহাৰত !

    শদিয়া সমষ্টিটো অশান্ত কৰি নিৰ্বাচনী বৈতৰণী পাৰ কৰাৰ চেষ্টা কৰিছে বিজেপি প্ৰাৰ্থী বলিন চেতিয়াই বুলি অভিযোগ উত্থাপিত কৰিছে ছৈখোৱা যুৱ কংগ্ৰেছৰ সমৰ্থকসকলে। ঢলা আৰক্ষীয়ে অৰুণাচলী অবৈধ সুৰাখিনি থানালৈ লৈ আহে। আৰক্ষীয়ে বৰ্তমানলৈকে তদন্ত কৰা বুলি কৈয়ে দায়িত্ব সামৰাত কিছু সন্দেহ প্ৰকাশ কৰিছে একাংশ সচেতন লোকে।

    Weather Forecast