৩টা সমষ্টিৰ উপ-নিৰ্বাচনৰ বাবে কংগ্ৰেছৰ প্ৰাৰ্থী ঘোষণা..

• Image Credit: Internet

• Oct 5, 2021 | Deleted

গুৱাহাটী : ৰাজ্যৰ উপ-নিৰ্বাচনৰ বাবে আজি প্ৰাৰ্থী ঘোষণা কৰিলে অসম প্ৰদেশ কংগ্ৰেছ দলে৷ তিনিটা সমষ্টিৰ উপ-নিৰ্বাচনৰ বাবে প্ৰদেশ কংগ্ৰেছৰ প্ৰাৰ্থী ঘোষণা৷ গোসাইগাঁও সমষ্টিত জুৱেল টুডু, তামুলপুৰত ভাস্কৰ দাহাল আৰু থাওৰাত মনোৰঞ্জন কোঁৱৰক দিয়া হৈছে কংগ্ৰেছৰ প্ৰাৰ্থীত্ব৷

ইয়াৰ উপৰি ভৱানীপুৰ সমষ্টিৰ বাবে ৰাইজৰ দলৰ বাবে অপেক্ষা কৰা হৈছে বুলি জানিবলৈ দিয়ে৷ মৰিয়নি সমষ্টিৰ বাবে প্ৰাৰ্থী আজিয়েই ঘোষণা কৰিব বুলি জানিবলৈ দিয়ে প্ৰদেশ কংগ্ৰেছে৷ ইতিমধ্যে প্ৰাৰ্থীত্ব সাজু হৈ আছে বুলি ৰাজীৱ ভৱনত এক সংবাদ মেলত এই ঘোষণা কৰে প্ৰদেশ কংগ্ৰেছৰ উপ-সভাপতি দ্বিজেন শৰ্মাই৷

ইফালে উপ-নিৰ্বাচনৰ বাবে কংগ্ৰেছ দলে আঞ্চলিক ৰাজনৈতিক দলৰ সৈতেও সমষ্টি বিভাজন কৰাৰ চিন্তা চৰ্চা কৰিছে যদিও ইতিমধ্যে তিনিটা সমষ্টিত প্ৰতিদ্বন্দিতা কৰাটো নিশ্চিত হ'ল৷