ৰাইজক মিছা সপোন দেখুৱাইছে মোদীয়ে: অসম প্ৰদেশ কংগ্ৰেছ

• Image Credit: Internet

• Feb 7, 2021 | moderator

গুৱাহাটী :‘মোদীয়ে ‘কা’, ৬নং দফা, অন্যান্য সমস্যা বুজি নাপায়’-প্ৰধানমন্ত্ৰী নৰেন্দ্ৰ মোদীৰ অসম ভ্ৰমণক কটাক্ষ অসম প্ৰদেশ কংগ্ৰেছৰ৷ মোদীয়ে মিছা প্ৰতিশ্ৰুতি দি অসমত আকৌ ৰাজ কৰিব বিছাৰিছে৷ আজি ‘ৰাজীৱ ভৱন’ত অনুষ্ঠিত এক সংবাদমেলত মোদীৰ বিৰুদ্ধে অভিযোগ আনে অসম প্ৰদেশ কংগ্ৰেছে৷ এই সংবাদমেলত উপস্থিত থাকৰে সাংসদ গৌৰৱ গগৈ আৰু বিধায়ক ৰুপজ্যোতি কুৰ্মী৷

আৰু পঢ়িব পাৰিব : উত্তৰাখণ্ডত ভয়ংকৰ হিমস্খলন: পানীৰ ঢলত ভাঙিল ঋষিগংগা প্ৰকল্প

কেন্দ্ৰীয় চৰকাৰৰ ভুল নীতিৰ বাবে বাংলাদেশৰ অৰ্থনীতি ভাৰততকৈ আগবঢ়া বুলি মন্তব্য সাংসদ গৌৰৱ গগৈৰ৷ তেওঁৰ অভিযোগ, ইটোৰ পাছত সিটো সম্পত্তি বণিয়াক গটোৱাৰ উদ্দেশ্যে মোদী চৰকাৰৰ৷ এছ আই, এপিএছ চি পৰীক্ষাৰ কেলেংকাৰি ৰাজহুৱা নকৰিলে বিজেপি চৰকাৰে৷ প্ৰধানমন্ত্ৰীৰ অনুষ্ঠানত ’২১ত মুখ্যমন্ত্ৰী কোন হ’ব তাৰেই অডিশ্যন হৈছিল বুলিও মন্তব্য গৌৰৱ গগৈৰ৷ আনহাতে প্ৰদেশ কংগ্ৰেছৰ অভিযোগ ৰাইজক মিছা সপোন দেখুৱাইছে মোদীয়ে৷ এটাৰ পাছত আনটো ৰাজহুৱা সম্পদ বিক্ৰী কৰিছে মোদীৰ নেতৃত্বাধীন বিজেপি চৰকাৰে৷

আৰু পঢ়িব পাৰিব : মাতৃ ভাষাত হ’ব চিকিৎসা-প্ৰযুক্তিৰ প্ৰতিষ্ঠান -গুৰুত্বপূৰ্ণ ঘোষণা মোদীৰ

আনহাতে বিজেপিৰ বহু নেতৃত্ব ছিণ্ডিকেটত জড়িত বুলিও অভিযোগ কংগ্ৰেছৰ৷ ‘কা’, ৬নং দফা, অন্যান্য সমস্যা বুজি নাপায় বুলিও কটাক্ষ মোদীক৷ মোদীয়ে ২ কোটি মানুহক ভূমিপট্টা প্ৰদানৰ ভুৱা প্ৰতিশ্ৰুতিও দিয়া বুলিও অভিযোগ কংগ্ৰেছৰ৷