• ‘অসম আৰক্ষীক নিজৰ কৰ্তব্য পালন কৰিবলৈ দিয়ক, বিধায়কে মাত নিদিব’

    ৰাজনৈতিক

    গুৱাহাটীঃ বিধানসভাৰ বাজেট অধিৱেশনৰ আজি চতুৰ্থটো দিন। অপৰাধ-অপৰাধীৰ সন্দৰ্ভত সদনত মুখ্যমন্ত্ৰীয়ে ভাষণ প্ৰদান কৰে। ভাষণ প্ৰসংগত মুখ্যমন্ত্ৰীগৰাকীয়ে কয় যে, অপৰাধ সকলো সমষ্টিতে অব্যাহত আছে। গতিকে অপৰাধৰ তদন্তৰ দায়িত্ব সম্পূৰ্ণভাৱে আৰক্ষীক প্ৰদান কৰিব লাগে। চি আৰ পি চি, আই পি চি ৰ ওপৰত মন্ত্ৰী-বিধায়কে মাত মাতিব নালাগে বুলিও মখ্যমন্ত্ৰীগৰাকীয়ে ব্যক্ত কৰে।

    বৰ্তমানৰ চৰকাৰে অপৰাধৰ ক্ষেত্ৰত শূন্য সহনশীল গ্ৰহণ কৰা বুলিও কোৱাৰ লগতে আৰক্ষীক কাম কৰিবলৈ দিব লাগে আৰু এইক্ষেত্ৰত বিধায়কে মাত নামাতিব বুলিও ড০ শৰ্মাই দোহাৰে। সকলো অপৰাধীয়েই কয় তেওঁ বা তেওঁৰ পৰিবাৰ নিৰপৰাধী বুলি। সমষ্টিয়ে সমষ্টিয়ে অপৰাধী আছে। জালুকবাৰী সমষ্টিলৈ মহাত্মা গান্ধী অহাৰ পাছতো সমষ্টিতো চোৰ-ডকাইত হৈ আছে। বিধায়কসকলে সমাজৰ দুৰ্বল মানুহৰ লগত থাকিবলৈ শিকিব লাগে বুলিও নীতিশিক্ষা প্ৰদান কৰে। ‘জালুকবাৰীতকৈ ধিং সমষ্টিক বেছি ভাল পাওঁ’- বুলিও ভাষণত সদৰী কৰে শৰ্মাই। গতিকে ধিঙক অপৰাধমুক্ত সমষ্টি হিচাপে গঢ়ি তুলিম বুলিও মুখ্যমন্ত্ৰীয়ে কয়। এতিয়াৰেপৰা ধিঙলৈ এছ পি আনন্দ মিশ্ৰ বেছিকৈ যাব বুলিও মুখ্যমন্ত্ৰী মন্তব্য প্ৰকাশ কৰে মুখ্যমন্ত্ৰীগৰাকীয়ে।

    Weather Forecast