দশম শ্ৰেণী উত্তীৰ্ণ দিল্লীৰ আটাইতকৈ ধনী বিধায়ক বিজেপিৰ কৰ্ণেল সিং

দিল্লী বিধানসভা নিৰ্বাচন আৰম্ভ হোৱাৰ পূৰ্বে প্ৰাৰ্থীসকলে মনোনয়নৰ সময়ত নিজৰ সম্পত্তিৰ কথা প্ৰকাশ কৰিছিল, সেই অনুসৰি বিজেপিৰ কৰ্ণেল সিং দিল্লীৰ আটাইতকৈ ধনী বিধায়ক। তেওঁৰ হাতত অপৰিসীম ধন আছে। আমেৰিকাত তেওঁৰ ৪টা অট্টালিকা আছে। ইয়াৰ উপৰিও তেওঁৰ লাখ লাখ টকাৰ গহনাও আছে। কৰ্ণেল সিঙৰ শিক্ষাগত অৰ্হতা মাথোঁ দশম শ্ৰেণী উত্তীৰ্ণ।

১৮৮৬৩ টা ভোটত বিজেপিৰ কৰ্ণেল সিঙে জয়লাভ কৰিছে। তেওঁ আম আদমি পাৰ্টিৰ সত্যেন্দৰ জৈনৰ বিৰুদ্ধে প্ৰতিদ্বন্দ্বিতা কৰিছিল। তেওঁ শকুৰ বস্তি বিধানসভাৰ পৰা নিৰ্বাচনত প্ৰতিদ্বন্দ্বিতা কৰিছিল।

নিৰ্বাচনী শপতনামা অনুসৰি বিজেপি প্ৰাৰ্থী কৰ্ণেল সিঙৰ আছে ২৫৯.৬৭ কোটি টকাৰ সম্পত্তি। তেওঁৰ হাতত আছে নগদ ১.৩২ লাখ টকা। বেংক একাউণ্টত জমা আছে ২৭.৫৯ লাখ টকা। ২৫ লাখ টকাৰ জীৱন বীমা আছে। সোণ আৰু হীৰাকে ধৰি গহনাসমূহৰ মুঠ দাম ৩৮.৪৫ লাখ টকা। মুঠ স্থাৱৰ সম্পত্তি ৯২.৩৬ লাখ টকাৰ।

এইগৰাকী বিজেপি বিধায়কৰ হাতত আছে ২৫৮ কোটি টকাৰ অস্থাৱৰ সম্পত্তি। হাৰিয়ানাত ৬০ কোটি টকাৰ এটা ফাৰ্ম হাউচ আছে। ইয়াৰ বাহিৰেও তেওঁৰ শোণিতাত ৫৫ লাখ টকাৰ দোকান আছে। আমেৰিকাৰ ৱাশ্বিংটন আৰু কেলিফৰ্ণিয়াৰ পৰা হাৰিয়ানাৰ শোনিপাটলৈকে ১৯৮ কোটি টকাৰ ঘৰ আছে। আমেৰিকাত ৪টা ঘৰ আছে।