ভাৰত-মালদ্বীপ বিবাদ সম্পৰ্কত মন্তব্য মল্লিকাৰ্জুন খৰ্গেৰ; প্ৰধানমন্ত্ৰীয়ে প্ৰতিটো কথাই ব্যক্তিগতভাৱে লোৱাৰ অভিযোগ

মল্লিকাৰ্জুন খৰ্গেয়ে কয়, প্ৰধানমন্ত্ৰী নৰেন্দ্ৰ মোদীয়ে সকলো কথা ব্যক্তিগতভাৱে লয়। আমি আমাৰ ওচৰ-চুবুৰীয়াৰ সৈতে সু-সম্পৰ্ক বজাই ৰখা উচিত। আমি সময় অনুযায়ী কাম কৰা উচিত। মোদীয়ে আৱেগ আৰু ভয়ৰ সৃষ্টি কৰে।দৰাচলতে মালদ্বীপৰ যুৱ মন্ত্ৰালয়ৰ মন্ত্ৰী মালছা শ্বৰীফ, মৰিয়াম শ্বুনা আৰু আব্দুল্লা মাহজুম মজিদে প্ৰধানমন্ত্ৰী মোদীৰ লক্ষদ্বীপ ভ্ৰমণ সন্দৰ্ভত মন্তব্য কৰিছিল। ইয়াৰ পাছত মালদ্বীপ চৰকাৰে তিনিওজনৰ বক্তব্যৰ পৰা আঁতৰি আহি মন্ত্ৰী পদৰ পৰা নিলম্বন কৰে।

মালছা শ্বৰীফ, মৰিয়াম শ্বুনা আৰু আব্দুল্লা মাহজুম মজিদে লক্ষ্যদ্বীপ ভ্ৰমণৰ পাছত প্ৰধানমন্ত্ৰী মোদীৰ বিৰুদ্ধে মন্তব্য কৰি এই কেন্দ্ৰীয় শাসিত অঞ্চলক মালদ্বীপৰ বাবে বিকল্প পৰ্যটন স্থলী হিচাপে উপস্থাপন কৰাৰ প্ৰচেষ্টা চলোৱা হৈছে বুলি অভিযোগ কৰিছিল।

মালদ্বীপৰ বৈদেশিক মন্ত্ৰালয়ে এক বিবৃতিত কয়, ‘বিদেশী নেতা আৰু উচ্চ পদস্থ লোকৰ বিৰুদ্ধে ছ’চিয়েল মিডিয়া প্লেটফৰ্মত কৰা অপমানজনক মন্তব্যৰ বিষয়ে মালদ্বীপ চৰকাৰে অৱগত। এই মতামতসমূহ ব্যক্তিগত আৰু ই মালদ্বীপ চৰকাৰৰ মতামতক প্ৰতিনিধিত্ব নকৰে।সোমবাৰে (৮ জানুৱাৰী) মালদ্বীপৰ ৰাষ্ট্ৰদূতক তলব কৰি ভাৰতে প্ৰধানমন্ত্ৰী মোদীৰ বিৰুদ্ধে কৰা মন্তব্যক লৈ তীব্ৰ উদ্বেগ প্ৰকাশ কৰে। ভাৰতীয় উচ্চায়ুক্ত মুনু মুহাৱৰক মালদ্বীপ চৰকাৰে কয় যে প্ৰধানমন্ত্ৰী মোদীৰ বিৰুদ্ধে কৰা মন্তব্যই চৰকাৰৰ স্থিতি প্ৰতিফলিত নকৰে।