আগবাঢ়িছে অমিত শ্বাহ, পিছ পৰিছে স্মৃতি ইৰাণী; জানক সৱিশেষ

চুৰাট লোকসভাৰ আসন নিৰ্বাচনৰ ফলাফল এতিয়াও অহা নাই যদিও অমিত শ্বাহ গান্ধী নগৰৰ পৰা ৩ লাখ ৬০ হাজাৰ ভোটত আগবাঢ়ি আছে, আনহাতে ৰাজনাথ সিং লক্ষ্ণৌৰ পৰা ১৯৩৭২ টাতকৈ অধিক ভোটত আগবাঢ়ি আছে। আনহাতে উত্তৰ প্ৰদেশৰ আমেথিৰ স্মৃতি ইৰাণী এতিয়াও ৪৫০০০টা ভোটত পিছ পৰি আছে। নাগপুৰৰ পৰা অগ্ৰগতি লাভ কৰিছে নীতিন গাডকাৰী আৰু হামিৰপুৰ আসনৰ পৰা অগ্ৰগতি লাভ কৰিছে অনুৰাগ ঠাকুৰে।

ভোটগণনা আৰম্ভ হোৱাৰ পিছৰে পৰা এন ডি এ আৰু ইণ্ডিয়া এলায়েন্সৰ প্ৰাৰ্থীৰ মাজত কঠোৰ যুঁজ চলি আছে। এতিয়া ভাল অগ্ৰগতি লাভ কৰি আছে প্ৰধানমন্ত্ৰী মোদীয়ে।

ভাৰতৰ ৫৪৩খন লোকসভা আসনৰ প্ৰতিখন আসনত বিজয় সাব্যস্ত কৰিবলৈ বিভিন্ন ৰাজনৈতিক দলে সমস্ত শক্তি প্ৰয়োগ কৰিছিল। আৰু আজি তেওঁলোকৰ কষ্টৰ ফল দেখা গৈছে। এফালে বিজেপি নেতৃত্বাধীন এন ডি এয়ে একেৰাহে তৃতীয়বাৰৰ বাবে কেন্দ্ৰত চৰকাৰ গঠনৰ চেষ্টা চলাইছে, আনফালে কংগ্ৰেছ নেতৃত্বাধীন আই.এন.ডি.আই.এ. মোডী চৰকাৰক ক্ষমতাৰ পৰা উৎখাত কৰাৰ চেষ্টা চলাইছে।

২০২৪ চনৰ লোকসভা নিৰ্বাচনত গুজৰাটৰ চুৰাট লোকসভাৰ আসনখনেই একমাত্ৰ আসন য’ত নিৰ্বাচনৰ পূৰ্বেও বিজেপি প্ৰাৰ্থী মুকেশ দলালক বিনা প্ৰতিদ্বন্দ্বিতাৰে নিৰ্বাচিত কৰা হৈছিল। গুজৰাটৰ নির্বাচনী ইতিহাসত প্রথমবাৰৰ বাবে এই ঘটনা সংঘটিত হৈছে৷ এই আসনৰ বাবে মূল বিজেপিৰ মুকেশ দলালকে ধৰি মুঠ ১১জন প্ৰাৰ্থীয়ে প্ৰতিদ্বন্দ্বিতা কৰিছিল। এই আটাইকেইজন প্ৰাৰ্থীয়েও মনোনয়ন দাখিল কৰিছিল যদিও মনোনয়ন প্ৰত্যাহাৰৰ দিনা ৯ গৰাকী প্ৰাৰ্থীয়ে মনোনয়ন প্ৰত্যাহাৰ কৰে। যিহেতু কংগ্ৰেছ দলৰ প্ৰাৰ্থী নীলেশ কুম্ভনীৰ মনোনয়ন কাৰিকৰী ভিত্তিত নাকচ কৰা হৈছিল, তাৰ পিছতহে মুকেশ দলালক বিৰোধী ঘোষণা কৰা হৈছিল।