মল্লিকাৰ্জুন খৰ্গে হ’ব বিৰোধীৰ প্ৰধানমন্ত্ৰী পদৰ প্ৰত্যাশী! মমতা বেনাৰ্জী, অৰবিন্দ কেজৰিৱালৰ পূৰ্ণ সমৰ্থন

তৃণমূল কংগ্ৰেছৰ মুৰব্বী মমতা বেনাৰ্জীৰ প্ৰস্তাৱ সন্দৰ্ভত খৰ্গেয়ে কয় যে -“আমি নিৰ্বাচনত জয়ী হোৱাত মনোনিৱেশ কৰা উচিত৷ সকলোৱে একেলগে কাম কৰিব আৰু আমাৰ মানুহ যিখন ৰাজ্যত আছে তাত আসন ভাগ-বতৰা সন্দৰ্ভত ইজনে সিজনৰ লগত আপোচ কৰিব। যদি কোনো মিত্ৰতা হ’ব নোৱাৰে তেন্তে I.N.D.I.A মিত্ৰজোঁটৰ ৰাইজে সিদ্ধান্ত ল’ব। সাংসদ নহ’লে প্ৰধানমন্ত্ৰীৰ প্ৰসংগ আলোচনা কৰি কি লাভ? গতিকে আমি চেষ্টা কৰিব লাগিব আৰু প্ৰথমে বিজয়ী হৈ ওলাই আহিব লাগিব।”

বৈঠকত উপস্থিত থকা ৰাষ্ট্ৰীয় লোকদলৰ মুৰব্বী জয়ন্ত চৌধুৰীয়ে মমতা বেনাৰ্জীৰ প্ৰস্তাৱ সন্দৰ্ভত কয় যে তেওঁ  এয়া নিশ্চিত কৰিব নোৱাৰে।

উল্লেখ্য যে মমতা বেনাৰ্জীৰ এই প্ৰস্তাৱ চাঞ্চল্যকৰ। বংগত টিএমচি আৰু কংগ্ৰেছক তীব্ৰ প্ৰতিদ্বন্দ্বী হিচাপে গণ্য কৰা হয়। ইয়াৰ আভাস দুয়োটা দলৰ নেতাসকলৰ মাজত দেখা গৈছে।কেৱল এয়াই নহয়, এই প্ৰস্তাৱৰ সৈতে স্পষ্ট হৈ পৰিছে যে মমতা বেনাৰ্জীয়ে নিজকে প্ৰধানমন্ত্ৰীৰ দৌৰত দেখা নাই।

ইয়াৰ পূৰ্বে বিৰোধী মিত্ৰজোঁট ভাৰতৰ তিনিখন বৈঠক অনুষ্ঠিত হৈছে। ইয়াৰে প্ৰথমখন বৈঠক ২৩ জুনত বিহাৰৰ পাটনাত অনুষ্ঠিত হৈছিল। দ্বিতীয়খন বৈঠক ১৭ আৰু ১৮ জুলাইত বেংগালুৰুত অনুষ্ঠিত হয়। ইয়াৰ বাহিৰেও ৩১ আৰু ১ ছেপ্টেম্বৰত মুম্বাইত তৃতীয়খন বৈঠক অনুষ্ঠিত হয়।