‘২৪ ঘন্টা আৰক্ষী জোৱানক ছুটী দিছোঁ তাৰ পাছত দেখুৱাইছো হিন্দুৰ শক্তি’; নিতেশ ৰাণেৰ সাম্প্ৰদায়িক মন্তব্যই কঁপাইছে দেশ

ৰাজহুৱা সভাখনত বিজেপিৰ বিধায়ক গৰাকীয়ে ৰাইজক সম্বোধন কৰি কয় যে আৰক্ষী জোৱানসকলক ২৪ ঘণ্টাৰ বাবে ছুটী দিয়া যাওক । ইয়াৰ পাছত আমাৰ হিন্দুসকলৰ শক্তি দেখুৱাম। আমাৰ হাতত কিমান শক্তি আছে সেয়া বুজি উঠিব। এই মন্তব্যৰ পাছতে সৰ্বভাৰতীয় মজলিছ-ই-ইত্তেহাদুল-মুছলিমিন (এআইএমআইএম)ৰ নেতা ৱাৰিছ পাথানে নিতেশ ৰাণেৰ বক্তব্যৰ প্ৰতি সৰৱ হৈ উঠিছে। ৱাৰিছ পাথানে কয় যে এওঁলোকে প্ৰতিদিনে অৰ্থহীন বক্তব্য কৰি আহিছে। এওঁলোকে মহাৰাষ্ট্ৰ বিধানসভা নিৰ্বাচনৰ প্ৰাকমূহুৰ্ত বিজেপিয়ে মহাৰাষ্ট্ৰ পৰিৱেশ নষ্ট কৰিব বিচাৰিছে, সেইয়ে এনে সাম্প্ৰদায়ীক বক্তব্য প্ৰদান কৰিছে বিধায়ক নিতেশ ৰাণে৷   

বিজেপিক সমালোচনা কৰি ৱাৰিছ পাথানে কয় যে বিজেপিয়ে ৰাজ্যত কেৱল দাঙ্গা কৰিব বিচাৰে। তেওঁলোকে যিকোনো প্ৰকাৰে উত্তেজনময় পৰিৱেশ সৃষ্টি কৰিব বিচাৰে, যাতে জনসাধাৰণৰ দৃষ্টি আচল সমস্যাৰ পৰা আঁতৰি থকে।বিজেপিয়ে জানে তেওঁলোকে উন্নয়নৰ নামত একো কৰা নাই, নিজৰ অকৰ্মণ্যতাক ঢাকি ৰাখাৰ স্বাৰ্থত ৰাজ্যৰ ৰাজনৈতিক পৰিৱেশ বিনষ্ট কৰি ৰাখিব বিচাৰে সেয়ে এনে বিতৰ্কিত বক্তব্য প্ৰদান কৰিছে বুলি মত প্ৰকাশ কৰে।