পথৰ কাষৰ সকলো আমিষজাতীয় বিপনী বন্ধ কৰিবলৈ নিৰ্দেশ ৰাজস্থানৰ বিজেপি বিধায়কৰ

ছ’চিয়েল মিডিয়াত ভাইৰেল হোৱা এটা ভিডিঅ’ অনুসৰি বিজেপি বিধায়কগৰাকীয়ে এজন বিষয়াক ফোন কৰি সন্ধিয়াৰ ভিতৰত ৰাস্তাৰ কাষৰ সকলো নন-ভেজ ষ্টল ৰাস্তাৰ পৰা বন্ধ কৰিবলৈ নিৰ্দেশ দিয়ে।

ফোনযোগে ভিডিঅ’টোত কোৱা দেখা গৈছে "ৰাস্তাত মুকলিকৈ নন-ভেজ বিক্ৰী কৰিব পাৰিনে? হয় নে নহয় উত্তৰ দিয়ক। আপুনি এই কথাটো সমৰ্থন কৰে। ৰাস্তাৰ কাষৰ সকলো নন-ভেজ ষ্টল তৎক্ষণাত বন্ধ কৰি দিব লাগে। সন্ধিয়া আপোনাৰ পৰা ৰিপৰ্টটো লম; মই কেয়াৰ নকৰোঁ।"

ইফালে ভাইৰেল ভিডিঅ’টোক লৈ AIMIMৰ মুৰব্বী আছাদুদ্দিন ওৱেইছিয়ে প্ৰতিক্ৰিয়া প্ৰকাশ কৰি প্ৰশ্ন কৰে যে কোনোবাই এনেকুৱা কথা কেনেকৈ কৰিব পাৰে?ওৱেইছিৰ মতে বিধায়কজনৰ এই নিৰ্দেশ ভুল৷

উল্লেখ্য যে, ৰাজস্থানৰ হাৱা মহল বিধানসভাৰ আসনত কংগ্ৰেছৰ আৰ আৰ তিৱাৰীক পৰাস্ত কৰি বিজেপিৰ বিধায়ক বালমুকুন্দ আচাৰ্যই ৬০০ ভোটত জয়লাভ কৰে।ৰাজস্থান বিধানসভাৰ নিৰ্বাচনত বিজেপিয়ে জয়লাভ কৰাৰ বিপৰীতে কংগ্ৰেছে ৬৯খন আসন লাভ কৰি দ্বিতীয় স্থান দখল কৰে। ৰাজস্থানত ৮ গৰাকী প্ৰাৰ্থীয়ে নিৰ্দলীয় প্ৰাৰ্থীয়ে নিৰ্বাচনত জয়লাভ কৰাৰ বিপৰীতে ভাৰত আদিবাসী পাৰ্টীয়ে তিনিখন আসনত বিজয়ী হিচাপে আত্মপ্ৰকাশ কৰে। মায়াৱতীৰ বহুজন সমাজবাদী পাৰ্টীয়ে ২ খন আসন লাভ কৰে, আৰু এখনকৈ আসন লাভ কৰে ৰাষ্ট্ৰীয় লোকদল আৰু ৰাষ্ট্ৰীয় লোকতান্ত্ৰিক পাৰ্টীয়ে।