ৰাহুল গান্ধীয়ে সলনি কৰিলে নিজকে; স্বীকাৰ কৰিলে বিজেপি নেত্ৰীয়ে

প্ৰাক্তন বিজেপি সাংসদ গৰাকীয়ে ৰাহুল গান্ধীক উদ্দেশ্য কৰি কয় যে ‘ৰাহুল গান্ধীৰ ৰাজনীতিত পৰিৱৰ্তন আহিছে।তেওঁ এতিয়া সফল হৈ উঠিছে বুলি অনুভৱ কৰে।তেওঁ জাতিৰ কথা কৈছে কিন্তু ইমান বছৰৰ ৰাজনীতিত প্ৰথমবাৰৰ বাবে তেওঁ বাদ্যযন্ত্ৰৰ কথা কৈছে।ৰাহুল গান্ধীয়ে সংসদত টি-চাৰ্ট পিন্ধে, বগা টি-চাৰ্টৰ জড়িয়তে তেওঁ যুৱ প্ৰজন্মক কি বাৰ্তা বহন কৰিব বিচাৰিছে সেয়া জানে। আমি এই ভুল ধাৰণাত থকা অনুচিত যে সেই পদক্ষেপবোৰৰ আপুনি ভাল পাওক বা বেয়া পাওক, আথবা ৰাহুল গান্ধীৰ আচৰণ শিশুসুলভ যেন লাগিব পাৰে, কিন্তু ৰাহুল গান্ধীয়ে এতিয়া বেলেগ স্তৰৰ ৰাজনীতি কৰি আছে।’

এটা প’ডকাষ্টৰ সময়ত কংগ্ৰেছ নেতা ৰাহুল গান্ধীৰ বিষয়ে স্মৃতি ইৰাণীয়ে দিয়া বক্তব্যই সম্প্ৰতি ৰাজনৈতিক মহলত চৰ্চা লাভ কৰিছে। কংগ্ৰেছ নেতা ৰাহুল গান্ধীক লৈ সমালোচনাত সৰৱ হৈ পৰা স্মৃতি ইৰাণীৰ ৰাহুল গান্ধীৰ প্ৰতি গ্ৰহণ কৰা নৰম অৱস্থানে আচৰিত কৰি তুলিছে সাধাৰণ জনতাকো। 

উল্লেখযোগ্য যে ২০১৯ চনৰ লোকসভা নিৰ্বাচনত স্মৃতি ইৰাণীয়ে ৰাহুল গান্ধীক আমেথিত পৰাস্ত কৰিছিল। তেতিয়াৰ পৰাই ৰাহুল গান্ধীক অবিৰতভাৱে কঠোৰ বাক্যবানেৰে আক্ৰমণ কৰি আহিছে স্মৃতি ইৰাণীয়ে। তদুপৰি  ৰাহুল গান্ধী আৰু গান্ধী পৰিয়ালক চোকা সমালোচনা কৰিছিল প্ৰাক্তন বিজেপি সাংসদ গৰাকীয়ে। ২০২৪ চনৰ লোকসভা নিৰ্বাচনত আমেথিত কংগ্ৰেছ দলৰ প্ৰাৰ্থী কিশোৰী লালৰ হাতত পৰাজয়ৰ সন্মুখীন হৈছিল ইৰাণী। এই লৈ ছ’চিয়েল মিডিয়াত সমালোচিত হৈছিল প্ৰাক্তন বিজেপি সাংসদ গৰাকী।