সংসদৰ সদস্যতা পুনৰাই লাভ কৰিবনে মহুৱা মৈত্ৰই? আজি সৰ্বোচ্চ ন্যায়ালয়ত গ্ৰহণ হ’ব শুনানি

বুধবাৰে মহুৱা মৈত্ৰই আবেদনৰ শুনানিৰ তাৰিখ পাবলৈ অশেষ চেষ্টা কৰিছিল। ভাৰতৰ মুখ্য ন্যায়াধীশ ডি ৱাই চন্দ্ৰচূড়ে আবেদনকাৰীক আশ্বাস দিছে যে তেওঁৰ গোচৰৰ জৰুৰী তালিকাভুক্তকৰণৰ বাবে তেওঁৰ অনুৰোধ উচ্চতম ন্যায়ালয়ে বিবেচনা কৰিব। যোৱা শুকুৰবাৰে নগদ প্ৰশ্নৰ গোচৰত মহুৱাক সংসদৰ পৰা বহিষ্কাৰ কৰা হৈছিল। বহিষ্কাৰৰ পৰামৰ্শ দিয়া এথিক্স সমিতিৰ সিদ্ধান্তক তেওঁ স্বেচ্ছাচাৰী বুলি অভিহিত কৰিছে।

বৰ্তমান মহুৱা মৈত্ৰই তেওঁৰ আবেদনত সংসদৰ সদস্যপদ হেৰুৱাক প্ৰত্যাহ্বান জনাইছে। তেওঁ কয় যে নৈতিকতা সমিতিৰ তথ্যৰ আলোচনাৰ সময়ত তেওঁক লোকসভাত নিজৰ পক্ষ ৰক্ষা কৰিবলৈ দিয়া হোৱা নাছিল।তেওঁ আশা কৰিছে যে উচ্চতম ন্যায়ালয়ৰ সিদ্ধান্তৰ জৰিয়তে পুনৰবাৰ সদস্যপদ লাভ কৰিব পৰা যাব। যদি এনে নহয় তেন্তে লোকসভা নিৰ্বাচনত জয়লাভ কৰিহে মহুৱা ঘূৰি আহিব পাৰিব।