বক্তা হিচাপে প্ৰধানমন্ত্ৰী মোদী; সামৰ্থ আৰু দুৰ্বলতাক ফঁহিয়াই শশী থাৰুৰৰ ইংগিতধৰ্মী মন্তব্য

প্ৰধানমন্ত্ৰী মোদী সন্দৰ্ভত থাৰুৰে কংগ্ৰেছৰ সভাপতি নিৰ্বাচিত হ’লে তেওঁ কি কৰিব আৰু আগন্তুক প্ৰত্যাহ্বানসমূহ সম্পৰ্কেও ব্যাখ্যা কৰে৷ যিটোৱে প্ৰধানমন্ত্ৰী মোদীক আলোচনালৈ আনিছিল যিহেতু বিজেপি কংগ্ৰেছৰ আটাইতকৈ নিকট প্ৰতিদ্বন্দ্বী।

তেওঁ কয়, মই ভাবো প্ৰধানমন্ত্ৰী মোদীৰ ভাষ্য সম্পূৰ্ণৰূপে আকৰ্ষণীয় আৰু চিত্তাকৰ্ষক। তেওঁ সম্ভৱতঃ হিন্দীৰ সৰ্বশ্ৰেষ্ঠ বক্তা যিটো আমাৰ দেশে দেখিছে, যদিও কোনোবাই যুক্তি দিব যে অটল বিহাৰী বাজপেয়ীৰো সেই খ্যাতি আছিল তথাপি মোদী অধিক কাৰ্যকৰী। তেওঁ অধিক নাটকীয় আৰু অধিক কাৰ্যকৰী৷ কংগ্ৰেছ সভাপতি নিৰ্বাচনৰ বাবে আজি মনোননয়ন পত্ৰ দাখিল কৰা থাৰুৰে এটা ৰাষ্ট্ৰীয় সংবাদ মাধ্যমৰে এই সাক্ষাৎকাৰত এই মন্তব্য কৰে৷

থাৰুৰৰ মতে প্ৰধানমন্ত্ৰী মোদীৰ দুৰ্বলতা হৈছে তেওঁ লোকসকলক কোৱা কথা আৰু তেওঁলোকৰ কাৰ্যকৰীকৰণৰ মাজত সংযোগ বিচ্ছিন্ন হোৱা। তেওঁ লগতে কয়, মোদীয়ে উত্তম ভাষণ দিয়ে য’ত তেওঁ সমস্যাবোৰ নিৰ্ণয় কৰে আৰু আনকি সমাধানৰ পৰামৰ্শ দিয়া যেন লাগে। কিন্তু তাৰ পাছত তাৰ ওলোটাটো হয়৷ বিমুদ্ৰাকৰণ ইয়াৰ এটা ডাঙৰ উদাহৰণ৷

 

থাৰুৰে কংগ্ৰেছৰ আভ্যন্তৰীণ নিৰ্বাচনত দলৰ সহকৰ্মী মল্লিকাৰ্জুন খাৰ্গেৰ মুখামুখি হৈছে৷ কেৰালাৰ সাংসদগৰাকীয়ে এই নিৰ্বাচন বন্ধুত্বপূৰ্ণ হ’ব আৰু প্ৰতিদ্বন্দীৰ মাজত যুদ্ধ নহয়।

উল্লেখ্য, কংগ্ৰেছৰ নতুন সভাপতিগৰাকীৰ সন্মুখত এই বছৰ গুজৰাট বিধানসভা নিৰ্বাচনৰ পৰা ২০২৪ চনৰ লোকসভা নিৰ্বাচনলৈকে এক দীঘলীয়া পৰিক্ৰমাত অৱতীৰ্ণ হ'ব লাগিব৷ আনকি, দলটোৰ নৱনিৰ্বাচিত মুৰব্বীয়ে ৰাষ্ট্ৰীয় পৰ্যায়ত দিল্লীৰ মুখ্যমন্ত্ৰী অৰবিন্দ কেজৰিৱালৰ আম আদমী পাৰ্টিৰ দৰে নতুন প্ৰত্যাহ্বানকাৰীৰ পৰাও কংগ্ৰেছক ৰক্ষা কৰিব লাগিব।