• কুখ্যাত অপৰাধীৰ বিৰুদ্ধে কঠোৰ হ’ব অসম আৰক্ষীঃ ডিজিপি

    আঞ্চলিক

    গুৱাহাটীঃ অসম আৰক্ষীৰ এনকাউণ্টাৰ প্ৰসংগত প্ৰতিক্ৰিয়া প্ৰকাশ কৰিছে অসম আৰক্ষীৰ সঞ্চালক প্ৰধান ভাস্কৰজ্যোতি মহন্তই৷ কুখ্যাত অপৰাধীৰ বিৰুদ্ধে আৰু অধিক কঠোৰ হ’ব অসম আৰক্ষী৷ চিআইডিৰ কাৰ্যালয়ত নতুনকৈ আৰম্ভ হৈছে চাইবাৰ ফৰেনছিক বিজ্ঞানাগাৰ৷ ৰাজ্যৰ প্ৰতিখন থানাতে এতিয়াৰেপৰা থাকিব চাইবাৰ কিট।

    দুই-এদিনতে গুৱাহাটীৰ প্ৰতিখন থানাত আৰম্ভ হ’ব চাইবাৰ কিটৰ কাম৷ প্ৰতিখন থানাতেই চাইবাৰ অপৰাধৰ তদন্ত হ’ব এই কিটৰ জৰিয়তে৷ ধৰ্ষণকাণ্ডৰ তদন্তৰ বাবেও এই বিশেষ কিটৰ ব্যৱস্থা আৰক্ষীৰ৷ প্ৰতিখন থানাৰ মহিলা আৰক্ষীয়ে ব্যৱহাৰ কৰিব এই বিশেষ কিট৷ বদ্ৰী প্ৰসাদৰ ধনৰ ভাগ ডিআইজিলৈ যোৱাৰ তথ্য পোৱা নাই আৰক্ষীয়ে৷

    দুৰ্নীতিগ্ৰস্ত আৰক্ষীৰ বিৰুদ্ধেও কঠোৰ হ’ব মহন্ত৷ দুজনকৈ অতিৰিক্ত অধীক্ষকৰ বিৰুদ্ধে গোচৰ ৰুজু হৈছে বুলিও সাংবাদিকক জানিবলৈ দিয়ে তেওঁ৷ পাণবজাৰ আৰক্ষী থানাৰ তদানিন্তন অ’চি ৰঞ্জিৎ মৰাণৰ বিৰুদ্ধেও ৰুজু হৈছে গোচৰ।

    Weather Forecast