ট’কিঅ’ : ভাৰতীয় পেডেলাৰ মণিকা বাত্ৰাই মহিলাৰ ছিংগলছ টেবুল টেনিছ ইভেণ্টৰ দ্বিতীয় ৰাউণ্ডত ইউক্ৰেইনৰ মাৰ্গাৰিটা পেচোটস্কাৰ অনুপ্ৰেৰণামূলক জয় লাভ কৰিবলৈ সক্ষম হৈছে। দ্বিতীয় ৰাউণ্ডত হংকঙৰ লাম চিউ হেঙৰ হাতত ৩-৪ ব্যৱধানত পৰাস্ত হোৱাৰ পিছত ভাৰতৰ ছাথিয়ান গনাচেকৰণ পুৰুষৰ একক টেবুল টেনিছ ইভেণ্টৰ পৰা বাহিৰ হৈছিল। ইয়াৰ পূৰ্বে, ভাৰতীয় শ্বুটাৰ দিব্যাংশ সিং পানৱাৰ আৰু দীপক কুমাৰে তেওঁলোকৰ প্ৰত্যাশা পূৰণ কৰাত ব্যৰ্থ হৈছিল কিয়নো তেওঁলোকে পুৰুষৰ ১০ মিটাৰ এয়াৰ ৰাইফ’ল ইভেণ্টৰ ফাইনেলত প্ৰৱেশৰ ছন্দ হেৰুৱাইছিল।
শ্বুটাৰ, মনু ভাকাৰ (১২ নম্বৰ) আৰু যশস্বিনী সিং দেশৱাল (১৩ নম্বৰ) হতাশ হোৱাৰ লগতে তেওঁলোকে মহিলাৰ ১০ মিটাৰ এয়াৰ পিষ্টল ফাইনেলৰ বাবে লক্ষ্য ভেদ কৰিবলৈ ব্যৰ্থ হয়। টেনিছত ভাৰতৰ মহিলা যুটি ছানিয়া মিৰ্জা আৰু অংকিতা ৰাইনাই ইউক্ৰেইনৰ লিউডমাইলা কিছেনোক আৰু নদীয়া কিছেনোকৰ বিৰুদ্ধে প্ৰথম ৰাউণ্ডৰ খেলত পৰাজিত হয়। ভাৰতীয় টেনিছ যুটিটোৱে কৰ্তৃত্ব প্ৰদৰ্শন কৰিছিল যিহেতু তেওঁলোকে প্ৰথম ছেটটো ৬-০ ত জিকিছিল কিন্তু পৰৱৰ্তী সময়ত ইউক্ৰেইন যুটিৰ প্ৰত্যৱৰ্তনত ছন্দ হেৰুৱায়। বেডমিণ্টনত, ভাৰতৰ পদক আশাবাদী আৰু ২০১৬-ত ৰিঅ' অলিম্পিকৰ ৰূপৰ পদক বিজয়ী, পি ভি সিন্ধুৱে ইজৰাইলৰ কেচনিয়া পলিকাৰপোভাৰ বিৰুদ্ধে মহিলা একক প্ৰথম ৰাউণ্ডত জয় লাভ কৰিছে।
Leave A Comment