দ্বিতীয় শ্ৰেণীৰ ছাত্ৰীক যৌন নিৰ্যাতন চলাই গ্ৰেপ্তাৰ দোকানী

• Image Credit: Internet

• Jul 29, 2021 | moderator

শিৱসাগৰঃ ঐতিহ্যমণ্ডিত শিৱসাগৰ জিলাৰ বিষ্ণু নগৰত সংঘটিত হৈছে এক জঘন্য কাণ্ড। অনিমেষ দাস( ৫২) নামৰ লম্পট এটাৰ কামনাৰ বলি হৈছে এগৰাকী ৯ বছৰীয়া দ্বিতীয় শ্ৰেণীৰ ছাত্ৰী। পেছাত গেলামালৰ দোকানী দাসে প্ৰলোভনৰে কিছুদিনৰ পৰা শিশুটিৰ ওপৰত চলাই আহিছিল যৌন নিৰ্যাতন।

বুধবাৰে পাষণ্ডটোৰ কু-কৰ্মৰ বিষয়ে জানিব পাৰে কণমানিজনীৰ পিতৃ-মাতৃয়ে। পাছত ঘটনা সন্দৰ্ভত শিৱসাগৰ সদৰ আৰক্ষী থানাত লম্পটটোৰ বিৰুদ্ধে এজাহাৰ দাখিল কৰিছিল ছাত্ৰীগৰাকীৰ পিতৃ-মাতৃয়ে। এজাহাৰৰ ভিত্তিতে আৰক্ষীয়ে গ্ৰেপ্তাৰ কৰিছে লম্পটটোক।

শিৱসাগৰ সদৰ থানাই 923/21 নম্বৰত ভাৰতীয় দণ্ডবিধিৰ 375(B)IPC R/W 6 &12 OF POSCO ACT.ত গোচৰ ৰুজু কৰি জে’ললৈ প্ৰেৰণ কৰে লম্পটটোক।