Regional
The woman reported that she was coerced into the act under the threat of the video being made public
ডিজিটেল ডেস্কঃ ১৯ বছৰীয়া ক্ৰিকেটাৰ মহম্মদ ওৱাছিমৰ এক অনুপ্ৰেৰণামূলক কাহিনীয়ে বিশ্বৰ ক্ৰীড়ানুৰাগীৰ দৃষ্টি আকৰ্ষণ কৰিছে৷ ভাৰতীয় ক্ৰিকেট দলৰ প্ৰাক্তন ক্ৰিকেটাৰ তথা লোকসভাৰ সাংসদ গৌতম গম্ভীৰে টুইটাৰত মহম্মদ ওৱাছিমৰ বাতৰি কাকত বিক্ৰী কৰি থকা সময়ৰ আলোকচিত্ৰ ৰাজহুৱা কৰিছে৷ মঙলবাৰে দিল্লীৰ যমুনা স্পোৰ্টছ কমপ্লেক্সত পূব দিল্লী প্ৰীমিয়াৰ লীগৰ উদ্বোধন কৰিছিল৷ বিশ্ব ক্ৰিকেটৰ যুৱ-প্ৰতিভাবোৰক উপযুক্ত মঞ্চ দিয়াৰ প্ৰয়াসেৰে গৌতম গম্ভীৰে এই টুৰ্ণামেণ্টৰ আয়োজন কৰিছে৷ তেনে এক প্ৰতিভাই হ’ল মহম্মদ ওৱাছিম৷ ওৱাছিমে নিজে নিজৰ আলোকচিত্ৰ প্ৰকাশ পোৱা বাতৰি কাকত বিতৰণ কৰি এক অনন্য গৌৰৱৰ অধিকাৰী হৈছে৷ ‘দ্য হিন্দু’ৰ মতে, পূব দিল্লী প্ৰীমিয়াৰ লীগৰ বাবে খেলুৱৈ বাছনিৰ সময়ত প্ৰশিক্ষকক আচৰিত কৰি তুলিছিল মহম্মদ ওৱাছিমে৷ ১৯ বছৰীয়া ওৱাছিমৰ প্ৰতিটো বলিঙৰ স্পীড আছিল প্ৰতিঘণ্টাত ১৪০ কিঃমিঃ৷
চাৰিখন ফটোৰে সৈতে কৰা টুইটটোত গৌতম গম্ভীৰে লিখিছে এইদৰে- মহম্মদ ওৱাছিমে বাতৰি কাকত বিতৰকৰ কাম কৰিছিল৷ এতিয়া তেওঁৰ আলোকচিত্ৰ সেই কাকতসমূহক প্ৰকাশ পাব৷ পূব দিল্লী প্ৰীমিয়াৰ লীগত দহটা নিৰ্বাচিত এলেকাৰ দহটা দল থাকিব বুলি গম্ভীৰে সদৰী কৰিছে৷ মহম্মদ ওৱাছিমে তেওঁৰ দৈনন্দিন জীৱন পৰিক্ৰমাক দুটা ভাগত ভগাই লৈছিল৷ তেওঁ কয়, মই কম বয়সতে মা-দেউতাক হেৰুৱাইছিলোঁ৷ সেইসময়ত মই পৰিয়ালক সকাহ দিবলৈ কিছু কাম কৰিবলৈ বাধ্য হৈছিলোঁ৷ পাছলৈ সেই কাম মোৰ দায়বদ্ধতা হৈ পৰিল৷ মোৰ ভাইটিয়েও কাম কৰে৷ তথাপি, আমাৰ আৰ্থিক অৱস্থা স্বচ্ছল নহয়৷ মই এই কাম কৰি সুখী৷ কামৰ সৰু-বৰ মই বিচাৰ কৰা নাই৷ সমান্তৰালভাৱে ক্ৰিকেটতো মই মোৰ সৰ্বোচ্চ প্ৰদৰ্শন কৰিবলৈ প্ৰচেষ্টা অব্যাহত ৰাখিম৷ অনুপ্ৰেৰণাৰ আকৰ এইগৰাকী কমবয়সীয়া ক্ৰিকেটাৰ দায়বদ্ধতা আৰু সংগ্ৰামৰ কাহিনীয়ে সকলোকে মুগ্ধ কৰিছে৷ ধৰ্ম, ৰাজনীতি, দেশৰ ঊৰ্ধ্বত প্ৰেৰণাৰ এই উজ্জ্বল উদাহৰণে বিশ্বনাগৰিকৰ দৃষ্টি আকৰ্ষণ কৰিছে৷
Leave A Comment