আঞ্চলিক
ডিজিটেল ডেস্ক : অসম জাতীয়তাবাদী যুৱ-ছাত্ৰ পৰিষদ পুৰণিগুদাম আঞ্চলিক সমিতিৰ ব্যৱস্থাপনাত আয়োজিত সম্বৰ্ধনা অনুষ্ঠানত ৭০০ ৰো অধিক বিশ্বৰ সৰ্বাধিক
শিৱসাগৰ : 'ঠিকা লাভ কৰাৰ আশাত বিজেপি দলৰ হৈ কাম কৰিবলৈ অহা সকল দলৰ প্ৰকৃত পূৰ্ণকালীন সেৱক নহয় ৷ চাকৰি-ঠিকা লাভৰ লক্ষ্যৰে দল কৰিলে অসন্তুষ্টি আহিবই' দলীয় সতীৰ্থক উদ্দেশ্য কৰি এই মন্তব্য কৰে শিক্ষামন্ত্ৰী তথা শিৱসাগৰ জিলাৰ অভিভাৱক মন্ত্ৰী ডা: ৰণোজ পেগুৱে ৷ শুকুৰবাৰে বিজেপিৰ শিৱসাগৰ জিলা সভাপতিৰ দায়িত্ব আনুষ্ঠানিকভাৱে গ্ৰহণ কৰে যুৱ নেতা ময়ূৰ বৰগোঁহাইয়ে৷ সুৰভী ৰাজকুঁৱৰীৰ পৰা দায়িত্ব গ্ৰহণ কৰে ময়ূৰ বৰগোঁহাইয়ে৷ এই অনুষ্ঠানত অংশগ্ৰহণ কৰি শিক্ষামন্ত্ৰীগৰাকীয়ে দলৰ সতীৰ্থসকলক কিছু গুৰুত্বপুৰ্ণ মন্তব্য আগবঢ়ায়৷ তেওঁ প্ৰদান কৰা ভাষণত কয়, 'চাকৰি, ঠিকা লাভ কৰাৰ আশাত বিজেপি দলৰ হৈ কাম কৰিবলৈ অহা সকল দলৰ প্ৰকৃত পূৰ্ণকালীন সেৱক নহয়৷ চাকৰি বা ঠিকা এটাক লক্ষ্য কৰি দল কৰিলে অসন্তুষ্টি আহিবই । জনগণৰ সেৱা কৰাত অধিক গুৰুত্ব দিয়ক । স্বাৱলম্বী হোৱাৰ বাবে বহু চৰকাৰী আঁচনি আছে । কিন্তু বিজেপি কৰ্মীয়ে আঁচনি সমূহৰ বিষয়ে নাজানেই৷'
অহা চাৰে চাৰি বছৰত ৰাজ্যত ১০ হেজাৰ পুখুৰী মাছ উৎপাদনৰ বাবে খন্দুৱাবলৈ চৰকাৰে আঁচনি গ্ৰহণ কৰা বুলিও সদৰি কৰে তেওঁ। ইপিনে অহা উপ নিৰ্বাচন, পৌৰসভা, পঞ্চায়ত নিৰ্বাচন, ২০২৪ ৰ লোকসভা নিৰ্বাচন আৰু ২০২৬ ৰ বিধানসভা নিৰ্বাচনত যাতে বিজেপিয়ে সৰ্বাধিক ভোট লাভ তথা আসন দখল কৰিব পাৰে এতিয়াৰে পৰা কাম কাজ হাতত ল'ব বুলি উল্লেখ কৰে ডা: ৰণোজ পেগুৱে।
আনহাতে ধুবুৰী-গোৱালপাৰাকে ধৰি ছয় জিলাত টেট পৰীক্ষা কেন্দ্ৰ নিদিয়াক কেন্দ্ৰ কৰি হোৱা বিতৰ্কৰো উত্তৰ দিয়ে শিক্ষামন্ত্ৰী পেগুৱে । টেট পৰীক্ষাত সংখ্যাগুৰু-সংখ্যালঘুৰ প্ৰশ্ন নাহে বুলিও কয় মন্ত্ৰী গৰাকীয়ে । পৰ্যায়ক্ৰমে সকলো শিক্ষানুষ্ঠানৰ পাঠদান আৰম্ভ হ'ব বুলি কৈ মন্ত্ৰী জনে শিক্ষানুস্থান সমূহ সাজু হৈ থাকিবলৈ আহ্বান জনাই ।
Leave A Comment