ডিজিটেল ডেস্কঃ লামডিং একাউন্স ক’লনীত অঘটন। এগৰাকী মহিলাক ডিঙি কাটি হত্যাৰ চেষ্টা কৰাৰ ঘটনাত সমগ্ৰ অঞ্চলত চঞ্চলৰ সৃষ্টি হয়। লামডিং একাউন্স ক’লনীৰ নিৱাসী মীনা জাদবৰ বিবাহিত ছোৱালী ৰাণী কুমাৰী যাদৱক ডিঙি কাটি হত্যাৰ চেষ্টা চলোৱা হয়। স্বামী অনুৰাগ জাদবে ঘৰত কোনো নথাৰ সুযোগ লৈ নিজ পত্নীক ডিঙি কাটি প্ৰাণেমৰাৰ চেষ্টা কৰাৰ সন্দেহ পৰিয়ালৰ লোকৰ।
সংকটজনক অৱস্থাত মহিলাগৰাকীক লামডিং ৰে’লৱে চিকিৎসালয়ত লৈ যোৱা হয়।
লামডিং আৰক্ষী লামডিং ৰে’লৱে চিকিৎসালয়ত উপস্থিত হৈ সমগ্ৰ ঘটনাটোৰ তদন্ত আৰম্ভ কৰিছে।
জানিব পৰা মতে উত্তৰ প্ৰদেশৰ জোনপুৰৰ নিৱাসী অনুৰাগ যাদৱৰ লগত লামডিঙৰ ৰাণী কুমাৰী যাদৱৰ বিবাহ হৈছিল। আজি ভুক্তভোগী মহিলা গৰাকী লামডিঙত মাতৃগৃহত স্বামীৰ সৈতে আছিল।
ঘৰত কোনো নথকাৰ সুযোগ লৈ স্বামী অনুৰাগ জাদবে তেওঁৰ পত্নী ৰাণী কুমাৰ জাদবক প্ৰাণেমৰাৰ চেষ্টা কৰি পলায়ন কৰে।
স্বামী অনুৰাগ যাদবে নিজ পত্নীক ডিঙি কাটি হত্যাৰ চেষ্টা কৰে বুলি পৰিয়ালৰ লোকৰ সন্দেহ যদিও আৰক্ষীৰ তদন্তৰ পাছতে সমগ্ৰ ঘটনা প্ৰহৰলৈ আহিব।
Leave A Comment