মাতৃৰ সন্ধানত মজুলীত উপস্থিত; হলেণ্ডৰ এগৰাকী যুৱতী

জানিব পৰা মতে ১৯৯১ চনৰ ৪ আগষ্টত ডিব্ৰুগড়ৰ এখন নাৰ্চিংহোমত জন্ম হৈছিল এটি কন্যা শিশুৰ। জন্মৰ পাছতে মাতৃৰ পৰা বিচ্ছেদ হোৱা কণ্যাগৰাকী বৰ্তমানৰ ৩৪ বছৰীয়া ডিনা। এতিয়া হলেণ্ডৰ বাসিন্দা এইগৰাকী যুৱতী৷ডিব্ৰুগড়ৰ পৰা গৈ দিল্লীৰ এখন অনাথ আশ্ৰমত আছিল এতিয়াৰ ডিনা। 

পাঁচ বছৰ বয়সত হলেণ্ডৰ এজন ব্যক্তিয়ে পিতৃত্বৰ মৰমেৰে আঁকোৱালি লয়৷ কিন্তু মাতৃৰ মৰমৰ পৰা বঞ্চিত ডিনাৰ এতিয়া একমাত্ৰ লক্ষ্য হৈ পৰিছে জন্মদাত্ৰী মাতৃৰ সন্ধান কৰা৷ডিনাৰ পিতৃৃয়েও কামনা কৰিছে কণ্যাৰ আশা পুৰণ হওক৷ অৱশ্যে ডিব্ৰুগড়ৰ যিখন নাৰ্ছিং হ’মত ডিনাৰ জন্ম হৈছিল বুলি ঠাৱৰ কৰা হৈছিল৷ চিকিৎসালয় খনত ইমান পুৰণি তথ্য সংৰক্ষিত হৈ নথকাৰ বাবে নিৰাশ হ’ব লগীয়া হয়৷ এতিয়া সকলোৰে এটাই কামনা ডিনাই মাতৃৰ সন্ধান লাভ কৰক....৷