সহাৱস্থানক যেতিয়া অস্বীকাৰ কৰা হয়, তেতিয়াই সৃষ্টি হয় গোষ্ঠী দ্বন্দৰ। ইতিহাসত উগ্ৰ জাতীয়তাবাদে কোনোদিনে জাতিৰ কল্যাণ সাধন নকৰে ৷ কিছুদিন পূৰ্বে তিনিচুকীয়াত বীৰ লাচিত সেনাই “নিখিল ভাৰত বংগ সাহিত্য সভাৰ” বেনাৰ আৰু কালীবাৰী মন্দিৰৰ বাংলা আখৰত ক’লা ৰং সানি দিছিল । লাচিত সেনাৰ মতে অসমখন অসমীয়াৰ আৰু যিহেতু বৰাক উপত্যকাত বাংলা ভাষাই মান্যতা লাভ কৰিছে সেয়ে ব্ৰহ্মপুত্ৰ উপত্যকাত বাংলা ভাষাৰ দৌৰাত্ম্য কোনো কাৰণতে সহ্য কৰা ন’হব ৷
এই কথাত ক্ষুন্ন হৈ বাঙালী সংগঠনটোৱেও বীৰ লাচিত সেনাক সমুখ সমৰলৈ বুলি প্ৰত্যাহবান জনায় ৷ তেওঁলোকে তীব্ৰ প্ৰতিক্ৰিয়া প্ৰকাশ কৰি কয় যে,অসম এখন বহুভাষিক ৰাজ্য৷ সেয়ে এই ৰাজ্যত অসমীয়া অথবা আন ভূমিপুত্ৰসকলৰ দৰে বাঙালীৰো অধিকাৰ আছে ৷ আৰু বীৰ লাচিত সেনাই পুনৰ যদি বাঙালীক আক্ৰমণৰ লক্ষ্য কৰি লয়,তেন্তে পৰিণতি বিষম হ’ব বুলি বাঙালী সুৰক্ষা মঞ্চই সকীয়ণি দিয়ে ৷
Leave A Comment