ডিজিটেল ডেস্ক: ২৫ আৰু ২৬ ফেব্ৰুৱাৰীত গুৱাহাটীত অনুষ্ঠিত হ’ব এডভাণ্টেজ আছাম ২.০ ৷ ৰাজ্যৰ অৰ্থনীতি টনকিয়াল কৰাৰ সংকল্পলৈ কেইবাখনো বিদেশী ৰাষ্ট্ৰ ভ্ৰমণ কৰিছে মুখ্যমন্ত্ৰী হিমন্ত বিশ্ব শৰ্মাই৷ দেশ-বিদেশৰ বহু উদ্যোগপতিক সাক্ষাৎ কৰি এডভাণ্টেজ আছাম ২.০ লৈ আমন্ত্ৰণ জনাইছে মুখ্যমন্ত্ৰীয়ে৷
এডভাণ্টেজ আছাম ২.০ৰ প্ৰচাৰৰ বাবে ছিংগাপুৰত উপস্থিত মুখ্যমন্ত্ৰী হিমন্ত বিশ্ব শৰ্মা৷ কিছু সময় পূৰ্বে ছিংগাপুৰত অৱতৰণ কৰিলে মুখ্যমন্ত্ৰী হিমন্ত বিশ্ব শৰ্মাই৷ ছিংগাপুৰত ভাৰতৰ উচ্চায়ুক্ত ড° শিল্পক আম্বুলে উষ্ম আদৰণি জনালে মুখ্যমন্ত্ৰীক৷
পৰৱৰ্তী দুটা দিন ছিংগাপুৰ চৰকাৰ আৰু উদ্যোগপতি সকলৰ সৈতে বৈঠকত মিলিত হ'ব মুখ্যমন্ত্ৰী হিমন্ত বিশ্ব শৰ্মা৷
এডভাণ্টেজ আছাম ২.০ সন্মিলন সফল হ’লে বিদেশী বিনিয়োগৰ জৰিয়তে ৰাজ্যৰ অৰ্থনীতি টনকিয়াল হোৱাৰ লগতে বহু নিবনুৱাৰ সংস্থাপনৰ বাট মুকলি হ’ব বুলি আশা কৰা হৈছে৷
Leave A Comment