ডিজিটেল ডেস্কঃ ইছলাম ধৰ্মাম্ৱলম্বী লোকৰ পৱিত্ৰ উৎসৱ ঈদ উপলক্ষে সমগ্ৰ দেশৰ লগতে ধুবুৰী , বঙাইগাঁও আদি জিলাৰ বিভিন্ন অঞ্চলৰ লগতে বিলাসীপাৰা , চাপৰ, সাপটগ্ৰাম, লক্ষ্মীগঞ্জ, তথা অন্যান্য অঞ্চলতো ইছলাম ধৰ্মালম্বী ৰাইজৰ মাজত ব্যাপক উছাহ উদ্দীপনা পৰিলক্ষিত হৈছে ৷ অঞ্চলটোৰ বজাৰ সমাৰতো ইছলাম ধৰ্মালম্বী ৰাইজে নতুন বস্ত্ৰ আদি সামগ্ৰী ক্ৰয় কৰাৰ বাবে ভিৰ কৰা পৰিলক্ষিত হৈছে ৷
ইফালে এই পৱিত্ৰ ঈদ উপলক্ষে , বি টি আৰৰ এম চি এল এ দানেশ্বৰ গয়াৰী , ডা০ জে আহমেদ( কোকৰাঝাৰ), অসম সাহিত্য সভাৰ প্ৰধান সম্পাদক ড° উপেন্দ্ৰজিত শৰ্মা, বিশিষ্ট চিকিৎসক তথা দুধনৈত অৱস্থিত এইচ আৰ এম হস্পিতালৰ এম ডি ডা° জয়কান্ত ৰাভা , বিশিষ্ট সমাজ সেৱক ৰুদ্ৰ পাঠক ( অভযাপুৰী ),বিশিষ্ট সমাজ সেৱিকা সোণপাহী ৰাভা, সাহিত্যকৰ্মী ডা° দিগন্ত চৌধুৰী, ( বঙাইগাঁও ) , ডা° এৰিকা চাংমা, ডা° নাছিৰ জামান , জ্যেষ্ঠ নাগৰিক তথা বিশিষ্ট সমাজকৰ্মী মালচান্দ লালানি, ( বিলাসীপাৰা) আদি বিশিষ্ট ব্যক্তিসকলে ইছলাম ধৰ্মালম্বী ৰাইজলৈ আন্তৰিক শুভেচ্ছা জ্ঞাপন কৰি এই পৱিত্ৰ ঈদে সকলো জাতি-ধৰ্মৰ লোকৰ মাজত শান্তি-সম্প্ৰতিৰ সাকোঁ গঢ়ি তুলিব বুলি আশা প্ৰকাশ কৰে ৷
Leave A Comment