ডিজিটেল ডেস্কঃ ক্ষেত্ৰীত ছাগলী চোৰক ৰাইজৰ গণ প্ৰহাৰ। দুজনৰ অৱস্থা সংকটজনক, এজন পলাতক অৱস্থাত আছে।
ঘটনা অনুসৰি AS 01 QC 6869 নম্বৰৰ এখন এল্ট বাহনত অহা তিনিজন লোকে ক্ষেত্ৰী থানাৰ অন্তৰ্গত ইটিলা অঞ্চলত পথৰ পৰা ছাগলী চুৰ কৰিবলৈ চেষ্টা কৰে ৷
কিন্তু স্থানীয় লোকে ছাগলী চুৰি কৰি থকা অৱস্থাত দেখা পোৱাত ছাগলী এৰি পলাবলৈ চেষ্টা কৰে যদিও বাহনখনক পিছে পিছে ৰাইজে চোঁচা লয় ৷
তীব্ৰবেগী ছাগলী চুৰৰ বাহনখনে মধ্য মালয়বাৰীত পথৰ কাষত থকা সূৰ্য দাস নামৰ লোকজনক খুন্দিয়াই ১ নং ঔজাৰীৰ দিশে আগবাঢ়ে৷
কিন্তু বনপুৰ গাঁৱৰ দিশে আগবঢ়া চোৰৰ বাহনখনে পথ শেষ হোৱাত গাড়ী এৰি পলায়ন কৰিবলৈ লওতে দুজনক ৰাইজে কৰায়ত্ব কৰি উত্তম মধ্যম দিয়ে।
পাছত ক্ষেত্ৰী আৰক্ষী ঘটনাস্থলীত উপস্থিত হৈ সংকটজনক অৱস্থাত দুয়োকে উদ্ধাৰ কৰি চিকিৎসালয়লৈ প্ৰেৰণ কৰে ৷
ধৃত চোৰ দুটা বৰপেটাৰ মহিদুল আলী আৰু নুৰ ইছলাম।
ইপিনে আন এজন বৰ্তমানো পলাতক অৱস্থাত৷
বৰ্তমান সমগ্ৰ ঘটনা ক্ষেত্ৰী আৰক্ষীৰ নিয়ন্ত্ৰণত আছে।
Leave A Comment