মুকলি হ’ল বিশ্ব ঐতিহ্যক্ষেত্ৰ মানাহ ৰাষ্ট্ৰীয় উদ্যানৰ; বনভোজস্থলী

বিশ্ব ঐতিহ্যক্ষেত্ৰ মানাহ ৰাষ্ট্ৰীয় উদ্যানৰ গাতে লাগি থকা নাৰায়ণগুৰিৰ বেঁকী নৈৰ বনভোজস্থলী আজি বনভোজকাৰী দলৰ বাবে আনুষ্ঠানিকভাবে মুকলি কৰা হয় বুলি কৰ্তৃপক্ষই সদৰি কৰিছে৷

বনভোজস্থলীৰ মুখ্যদ্বাৰৰ কাষত বিভিন্ন দল সংগঠনৰ কৰ্মকৰ্তাৰ উপস্থিতিত ৰঙাফিটা কাটি মুকলি কৰে মানাহৰ বাঁহবাৰী ৰেঞ্জৰ ৰেঞ্জাৰ বাৰিন বড়োৱে৷ইফালে বনভোজস্থলী পৰিচালনা সমিতিৰ নেতৃত্বই মানাহৰ নাৰায়ণগুৰিস্থিত বনভোজস্থলীত  প্ৰৱেশৰ বাবে প্ৰতিখন সৰু-বৰ বাহনৰ ক্ষেত্ৰত প্ৰবেশ মাছুলৰ নিৰিখো নিৰ্ধাৰণ কৰি দিছে৷

সেইমতে বাছৰ ক্ষেত্ৰত ৫০০,ট্ৰেভেলাৰৰ ৪০০,উইংগাৰ-মেজিকৰ ৩০০,ব্যক্তিগত চাৰিচকীয়া বাহনৰ ২০০,ই ৰিক্সাৰ ১০০ আৰু দুচকীয়া বাহনৰ ক্ষেত্ৰত ৫০ টকাকৈ মাছুল নিৰ্ধাৰণ কৰিছে বুলি সদৰি কৰে৷

বনভোজকাৰী ক্ষেত্ৰতে প্ৰশাসনে প্ৰদান কৰা নিৰ্দেশনা মানি চলিবলৈও আহ্বান জনোৱা হৈছে বনভোজৰ দল সমূহক৷