ডিজিটেল ডেস্কঃ প্ৰায় ৪ লাখ বছৰ আগতে গ্ৰীনলেণ্ড বৰফমুক্ত আছিল। তেতিয়া টুণ্ড্ৰা অঞ্চলটো আছিল ৰ’দঘাই, সেউজীয়া অৰণ্য। সেই সেউজীয়া ঠাইত জীৱ-জন্তু আৰু পোক-পৰুৱা বাস কৰিছিল। বৰ্তমানতকৈ ২০ৰ পৰা ৪০ ফুট ওখ আছিল সাগৰৰ জলপৃষ্ঠ।
সমগ্ৰ বিশ্বৰ বহু দেশ, যিবোৰ বৰ্তমান লাখ লাখ মানুহৰ বসতিস্থল, সেইসময়ত সাগৰৰ তলত আছি। ‘চাইন্স’ নামৰ বৈজ্ঞানিক আলোচনীখনত প্ৰকাশিত এক প্ৰতিবেদনত এনে দাবী উত্থাপন হৈছে।
বিজ্ঞানীসকলে ইতিমধ্যেই জানিছিল যে কেইবা লাখ বছৰৰ আগতে কোনো এটা সময়ত গ্রীনলেণ্ডৰ বৰফৰ তৰপটো প্ৰায় সম্পূৰ্ণৰূপে নিঃশেষ হৈ গৈছিল। কিন্তু ঠিক কেতিয়া, গম পোৱা নগ’ল।
বিজ্ঞানীসকলে ৰিপ’ৰ্ট কৰিছে যে নতুন গৱেষণাই গ্ৰীনলেণ্ডৰ প্ৰায় ১ মাইল ডাঠ বৰফৰ তলত লুকাই থকা মাটিৰ স্তৰ (শীতল যুদ্ধৰ সময়ত সংগ্ৰহ কৰা) পৰীক্ষা কৰি সঠিক সময়ৰ সময়সীমা উন্মোচন কৰিছে। সময়টো প্ৰায় ৪ লাখ ১৬ বছৰ আগৰ।
প্ৰায় ১৪ হাজাৰ বছৰ ধৰি গ্ৰীনলেণ্ড বৰফমুক্ত আছিল। সেই সময়ত পৃথিৱী আৰু ইয়াৰ আদিম লোকসকলে জলবায়ু পৰিৱৰ্তনৰ মাজেৰে পাৰ হৈছিল। বিজ্ঞানীসকলে কৈছে যে সেই সময়ছোৱা, ইয়াৰ পৰিসৰ, তীব্ৰতা আৰু প্ৰভাৱ বিশ্লেষণ কৰিলে আধুনিক মানুহে ভৱিষ্যতৰ বাবে কেনেধৰণৰ পৃথিৱী সৃষ্টি কৰিছে সেয়া বুজিব পৰা যাব।
১৯৬৬ চনৰ জুলাই মাহত আমেৰিকাৰ বিজ্ঞানী আৰু অভিযন্তাসকলে গ্ৰীণলেণ্ডৰ বৰফৰ তৰপটো উৰুৱাই মাটিৰ তৰপ সংগ্ৰহ কৰে। ‘কেম্প চেঞ্চুৰী’ নামৰ এটা কুখ্যাত সেনা ঘাটিত এই অভিযান চলাইছিল। বৰফৰ তলত পোৱাৰ পিছত অভিযন্তাসকলে ১২ ফুট দকৈ আন এটা গাঁত খান্দি নিথৰ শিলৰ মাটিত। মাটি সংগ্ৰহ কৰা হৈছিল।
১৯৬৯ চনত সেই মাটি বিশ্লেষণ কৰি ভূ-পদাৰ্থবিজ্ঞানী উইলি ডান্সগাৰ্ডে অতীতত জলবায়ু পৰিৱৰ্তন কেনেকৈ হৈছিল সেই বিষয়ে ব্যাখ্যা কৰিছিল। বিগত ১ লাখ ২৫ হাজাৰ বছৰত প্ৰকৃতিৰ কিদৰে বাৰে বাৰে পৰিৱৰ্তন হৈছে তাৰ আভাস তেওঁ দিলে।
Leave A Comment