ধ্বংস হৈ পৰিব ইণ্টাৰনেট ব্যৱস্থা! ২০২৫ চনত বলিব প্ৰচণ্ড সৌৰধুমুহা! সকিয়নী বিজ্ঞানীসকলৰ, কি কয় নাছাই?

ধুমুহাৰ ফলত পৃথিৱী ক্ষতিগ্ৰস্ত হ’ব বুলি বিজ্ঞানীসকলে আশংকা কৰিছে। ডিজিটেল জগত আৰু ইয়াৰ আধুনিক যোগাযোগ ব্যৱস্থা সম্পূৰ্ণৰূপে ভাঙি পৰিব পাৰে!

ইণ্টাৰনেটৰ অবিহনে এই পৃথিৱীখন এতিয়া স্থবিৰ। মহাকাশ বিশেষজ্ঞসকলে কয় যে সৌৰ ধুমুহাৰ সময়ত ইণ্টাৰনেট সেৱা সম্পূৰ্ণ অসাৰ হৈ পৰিব পাৰে। তাতোকৈ চিন্তনীয় কথাটো হ’ল আগতীয়া বিপদৰ বাবে কোনো সংকেত নাথাকিব।

ইতিমধ্যে ছ’চিয়েল মিডিয়াত বিয়পি পৰিছে এযোৰ শব্দ - ‘ইণ্টাৰনেট এপ’কেলিপছ’। সৌৰ ধুমুহা সম্পৰ্কত আমেৰিকাৰ মহাকাশ গৱেষণা সংস্থা নাছাই নেটিজেনসকলক ভুৱা বাতৰি প্ৰচাৰ নকৰিবলৈও সকীয়াই দিছে। ২০২৫ চনত সৌৰ ধুমুহাৰ ফলত ইণ্টাৰনেট ব্যৱস্থাটো সঁচাকৈয়ে ভাঙি পৰিব নে নাই সেই সন্দৰ্ভত তেওঁলোকে কোনো মন্তব্য কৰা নাছিল। বৰঞ্চ সংগঠনটোৱে ‘উৰাবাতৰি’ ৰোধ কৰাত গুৰুত্ব আৰোপ কৰিছে।