ডিজিটেল ডেস্কঃ সম্প্ৰতি বিভিন্ন ধৰণৰ সামাজিক মাধ্যমৰ ব্যৱহাৰ দেখিবলৈ পোৱা যায়৷ টেলিগ্ৰামো বহুলভৱে ব্যৱহাৰ হোৱা এটা সামাজিক মাধ্যম৷ সামাজিক মাধ্যম সমূহ ব্যৱহাৰ কৰোঁতে কিছুমান সাৱধানতা অৱলম্বন কৰিব লাগে, যাতে কোনো ধৰণৰ বিপদৰ সন্মুখীন হ’ব লগীয়া নহয়৷ শেহতীয়া কৈ টেলিগ্ৰাম ব্যৱহাৰ ক্ষেত্ৰত সুৰক্ষাজনিত কিছুমান প্ৰশ্নৰ উত্থাপন হৈছে৷
চাওঁ আহকচোন সুৰক্ষিতভাৱে টেলিগ্ৰাম ব্যৱহাৰ কৰিবলৈ কেইটামান গুৰুত্বপূৰ্ণ পদক্ষেপঃ
টু-ষ্টেপ ভেৰিফিকেচন(Enable two factor authentication)- টেলিগ্ৰামতো টু-ষ্টেপ ভেৰিফিকেচনৰ সুবিধা উপলব্ধ৷ নিজৰ সুৰক্ষাৰ বাবে এই ব্যৱস্থা সক্ৰিয় কৰক৷ নতুন ডিভাইচৰ পৰা লগ-ইন কৰাৰ সময়ত আপোনাৰ ফোনত পঠোৱা কোডৰ প্ৰয়োজন হ’ব যাৰ বাবে আনে আপোনাৰ টেলিগ্ৰাম ব্যৱহাৰ কৰিব নোৱাৰে৷
গোপন চাটৰ ব্যৱহাৰ(Use private chats)-গোপন চাট সমূহ কেৱল বাৰ্তা প্ৰেৰক আৰু পেৰণ কৰা ব্যক্তিজনেহে পঢ়িব পাৰে।
শক্তিশালী পাছৱৰ্ড স্থাপন(Set a strong password)-আপোনাৰ টেলিগ্ৰাম একাউণ্টৰ বাবে শক্তিশালী পাছৱৰ্ড ব্যৱহাৰ কৰক।
প্ৰফাইল দৰ্শন সীমিতকৰণ(Limit profile visibility)-আপোনাৰ ফোন নম্বৰ, প্ৰফাইল ফটো, আৰু স্থিতি কোনে দেখিব পাৰিব তাত নিয়ন্ত্ৰণ কৰাৰ সুবিধা প্ৰদান কৰিছে৷ এই গোপনীয়তাৰ ছেটিংসমূহ সক্ৰিয় কৰি টেলিগ্ৰাম ব্যৱহাৰ কৰক।
ওচৰৰ লোকক অক্ষম(Disable People Nearby)- এই বৈশিষ্ট্য বন্ধ ৰাখক যাতে আনসকলে আপোনাৰ অৱস্থান জানিব নোৱাৰে।
লিংকসমূহৰ প্ৰতি সাৱধানতা অৱলম্বন(Be cautious with links)-সন্দেহজনক লিংকত ক্লিক কৰাৰ পৰা বিৰত থাকক, এই লিংকসমূহ ক্লিক কৰিলে ফিছিং লিংক বা মেলৱেৰত প্ৰৱেশ কৰিব পাৰে, যি আপোনাৰ ক্ষতি কৰিব পাৰে৷
নিয়মিত কেচ পৰিষ্কাৰ(Regularly clear cache)- এনে কৰিলে আপোনাৰ এপ্লিকেশ্বনটো সক্ৰিয় ভাৱে চলাত সহায় কৰে আৰু অপ্ৰয়োজনীয় তথ্য নিষ্কাশণ কৰে৷
ইয়াৰোপৰি অপৰিচিত ব্যক্তিৰ সৈতে যোগাযোগ কৰাৰ পৰা বিৰত থকা ভাল৷ কোনো ব্যক্তিগত তথ্য প্ৰদানৰ পৰাও বিৰত থাকিলে সাম্ভাব্য বিপদৰ পৰা হাত হাৰিব পাৰিব৷ গতিকে যি সামাজিক মাধ্যমেই ব্যৱহাৰ নকৰক কিয় প্ৰয়োজনীয় সাৱধানতা অৱলম্বন কৰা জৰুৰী৷
Leave A Comment