বছৰৰ প্ৰথমটো সূৰ্যগ্ৰহণ ; কেতিয়া আৰু ক'ত দেখা এই সূৰ্যগ্ৰহণ

২০২৫ চনৰ ২৯ মাৰ্চ শনিবাৰে সংঘটিত হ’ব এই বৰ্ষৰ প্ৰথমটো সূৰ্যগ্ৰহণ।পুৱা ৮ঃ৫০ বজাৰ পৰা দুপৰীয়া ১২ঃ৪৩ বজালৈ লাগিব সূৰ্যগ্ৰহণ ৷

আমেৰিকাৰ মহাকাশ সংস্থা নাছাৰ তথ্য অনুসৰি বছৰৰ প্ৰথমটো সৌৰজ্বল বহু মহাদেশত দেখা যাব । উত্তৰ গোলাৰ্ধত অৱস্থিত হোৱাৰ বাবে ইউৰোপীয়সকলে ইয়াক চাব পাৰিব । ইয়াৰ উপৰিও উত্তৰ আমেৰিকা, গ্ৰীণলেণ্ড, আইচলেণ্ড, উত্তৰ আটলাণ্টিক মহাসাগৰ আৰু উত্তৰ-পশ্চিম ৰাছিয়াতো ই দৃশ্যমান হ’ব । নাছাৰ মতে, এই দৃশ্য উত্তৰ আমেৰিকাৰ পূব অঞ্চলত আটাইতকৈ ভালকৈ দেখা যাব । অৱশ্যে বছৰটোৰ প্ৰথমটো সূৰ্যগ্ৰহণ ভাৰতত দেখা নাযাব ।

২০২৫ চনত মুঠ দুটা সূৰ্যগ্ৰহণ হ’ব । প্ৰথমটো ২৯ মাৰ্চত আৰু দ্বিতীয়টো ২১ ছেপ্টেম্বৰত হ’ব । দ্বিতীয়টো বিশেষকৈ অষ্ট্ৰেলিয়া, এন্টাৰ্কটিকা, আৰু প্ৰশান্ত মহাসাগৰকে ধৰি দক্ষিণ গোলাৰ্ধত দেখা যাব ।