প্ৰথমগৰাকী ভাৰতীয় হিচাপে এছিয়ান ছিনিয়ৰ চেম্পিয়নশ্বিপত ইতিহাস ৰচনা কৰিলে জিমনাষ্ট দিপা কৰ্মকাৰে

২০১৬ চনৰ ৰিঅ’ অলিম্পিকত ভল্ট ফাইনেলত চতুৰ্থ স্থান দখল কৰা দিপাই ইয়াৰ পূৰ্বে ২০১৫ চনত একেটা ইভেণ্টতে ব্ৰঞ্জৰ পদক লাভ কৰিছিল।২০১৫ চনৰ এছিয়ান চেম্পিয়নশ্বিপত ব্যক্তিগত ফ্ল’ৰ এক্সাৰচাইজত আশীষ কুমাৰে ব্ৰঞ্জৰ পদক লাভ কৰিছিল। প্ৰণাতি নায়কে ২০১৯ আৰু ২০২০ সংস্কৰণতো ভল্ট ইভেণ্টত ব্ৰঞ্জৰ পদক লাভ কৰে।

ভাৰতীয় ক্ৰীড়া কৰ্তৃপক্ষই টুইট কৰি কয় যে, "দ্য এছিয়ান জিমনাষ্টিকছ চেম্পিয়নশ্বিপত সৃষ্টি হৈছে ইতিহাস। দিপা!  অভিনন্দন।" ত্ৰিপুৰাৰ জিমনাষ্টগৰাকীয়ে এটা উল্লেখযোগ্য কৃতিত্বও লাভ কৰে: তুৰস্কৰ মাৰ্চিনত অনুষ্ঠিত ২০১৮ চনৰ এফ আই জি বিশ্বকাপত ভল্টত স্বৰ্ণ পদক লাভ কৰি বিশ্বব্যাপী জিমনাষ্টিক ইভেণ্টত হালধীয়া ধাতু লাভ কৰা প্ৰথমগৰাকী ভাৰতীয় হিচাপে পৰিগণিত হয়। ড’পিঙৰ বাবে ২১ মাহৰ নিলম্বনৰ পিছত এইবাৰ প্ৰতিযোগিতালৈ ঘূৰি অহা দীপা ২০১৫ চনৰ পেৰিছ অলিম্পিকৰ বাবে দৌৰৰ পৰা আঁতৰি আছে। শুকুৰবাৰে অল ৰাউণ্ড শাখাত ৪৬.১৬৬ স্ক’ৰেৰে ১৬ নম্বৰ স্থান দখল কৰে ছানীয়ে।

এছিয়ান চেম্পিয়নশ্বিপ হৈছে অলিম্পিকৰ অন্তিম অৰ্হতা। এপ্ৰিল মাহত ডোহাত অনুষ্ঠিত হোৱা এফ আই জি এপাৰেটাছ বিশ্বকাপত ভল্ট ফাইনেলত চতুৰ্থ স্থান দখল কৰিছিল। ইয়াৰ পূৰ্বে কায়ৰো বিশ্বকাপত (১৫-১৮ ফেব্ৰুৱাৰী) পঞ্চম স্থান দখল কৰাৰ পিছত জাৰ্মানীৰ কটবাছত অনুষ্ঠিত হোৱা বিশ্বকাপ (২২-২৫ ফেব্ৰুৱাৰী) এৰি থৈ গৈছিল।