আইপিএলঃ সতীৰ্থ ৰাইনাৰ ওপৰত খঙত খৰ্গহস্ত হৈছিল ধোনী! কিয়?

২০১৪ চনত দ্বিতীয়খন কোৱালিফায়াৰত পঞ্জাব কিংছৰ হাতত পৰাস্ত হোৱাৰ পিছত চেন্নাইয়ে ফাইনেলত প্ৰৱেশ কৰিব পৰা নাছিল। প্ৰথমে বেটিং কৰিবলৈ আহি বীৰেন্দ্ৰ ছেহৱাগে শতক অৰ্জন কৰে। ২২৭ ৰান খেদি খেদি চেন্নাইয়ে ভাল আৰম্ভণি কৰিছিল যদিও জয়ী হ’ব নোৱাৰিলে। ধোনীয়ে এই পৰাজয় মানি ল’ব নোৱাৰিলে। ড্ৰেছিং ৰুমলৈ উভতি আহোঁতে ক্ষোভিত হৈ পৰে।

এটা সাক্ষাৎকাৰত ৰাইনাই কয়, ‘ধোনীক ইমান খং উঠা মই কেতিয়াও দেখা নাই। খঙত হেলমেট আৰু পেডবোৰ দলিয়াই দিলে। ধোনীয়ে সেইদিনা সকলোৰে লগত অলপ বেছি সময় কথা পাতিলে। তেওঁ কৈ আছিল, আমি এই মেচখনত জয়ী হ’ব পাৰিলোহেঁতেন। আমি হেৰুৱাব নালাগিছিল। সেই মেচখনত আমি জয়ী হ’লে হয়তো সেইবাৰো আই পি এল জিকিলোহেঁতেন৷ সেইটোৱেই আছিল ধোনিৰ মনত। সেইবাবেই সি সেই ক্ষতি ল’ব পৰা নাছিল।"

ৰাইনাই ২০০৮ চনৰ পৰা ২০২১ চনলৈ চেন্নাইৰ হৈ খেলিছিল। দুবছৰ চেন্নাইলৈ নিৰ্বাসিত হৈ গুজৰাট লায়ন্সৰ হৈ খেলিছিল। আই পি এলত ২০৫খন খেল খেলিছে ৰাইনাই। ৫৫২৮ ৰান সংগ্ৰহ কৰে। বাওঁহাতৰ বেটছমেনগৰাকীয়ে চেন্নাইৰ হৈ চাৰিটা আই পি এলত জয়লাভ কৰিছে।