আইপিএলঃ ৪৮ টা বলত বিনা উইকেটত ১০০ ৰান খৰচ! ২৪ কোটিটকীয়া মিচেল ষ্টাৰ্কৰ দুৰ্বল প্ৰদৰ্শনে হতাশ কৰিছে কেকেআৰপ্ৰেমীক

নিলামত আচৰিত কৰি তুলিছিল কলকাতা নাইট ৰাইডাৰ্ছে। ২৪ কোটি আৰু ৭৫ লাখ টকা খৰচ হৈছিল ষ্টাৰ্কক। আই পি এলৰ ইতিহাসত কেতিয়াও ইমান টকাৰে ক্ৰিকেটাৰ কিনা হোৱা নাই। এদিনীয়া বিশ্বকাপ বিজয়ী অষ্ট্ৰেলিয়ান বাওঁহাতৰ পেচাৰগৰাকীৰ বাবে ইমান বৃহৎ ধন খৰচ কৰাটো ভুল নেকি বুলিও প্ৰশ্ন উত্থাপন হৈছিল। ষ্টাৰ্কৰ দৰে পেচাৰক দলত পাই কেকেআৰে সুখী হৈছিল। কিন্তু প্ৰথম দুখন মেচৰ পিছত কলকাতাৰ বছসকলেও হয়তো ভাবিব পাৰে যে সেই ধন খৰচ কৰিব লাগিছিল নে নাই!

আই পি এলত এতিয়ালৈকে দুয়োখন মেচত ৪ অভাৰ বলিং কৰিছে ষ্টাৰকে। অৰ্থাৎ তেওঁ ৪৮টা বল বল কৰিছে। ১০০ ৰান সংগ্ৰহ কৰে। এটাও উইকেট নাপালে। ষ্টাৰ্কৰ বল ভাৰতীয় ঘৰুৱা ক্ৰিকেটাৰে বাউণ্ডেৰীৰ বাহিৰলৈ পেলাই দিছে। যিয়ে সকলোকে আচৰিত কৰি তুলিলে।