ডিজিটেস ডেস্কঃ ইংলেণ্ডৰ বিৰুদ্ধে বিৰাট কোহলীৰ অবিহনে ভাৰতে জয়লাভ কৰে শৃংখলা। সোমবাৰে ৰাঁচীত অনুষ্ঠিত হোৱা চতুৰ্থ টেষ্টত ৫ উইকেটত জয়লাভ কৰে। শৃংখলাত অংশগ্ৰহণ নকৰাৰ পিছতো কোহলীয়ে ভাৰতৰ খেলৰ ওপৰত চকু ৰাখিছিল। তেওঁ ৰোহিতক এই শৃংখলা জয় কৰাৰ বাবে অভিনন্দন জনায়।
চতুৰ্থ টেষ্ট শেষ হোৱাৰ পিছত কোহলীয়ে টুইট কৰি কয়, “আমাৰ যুৱ দলৰ বাবে ডাঙৰ ছিৰিজ জয়। তেওঁলোকে অধ্যৱসায়, দায়িত্ব আৰু ধৈৰ্য্য দেখুৱাই ধাৰাবাহিকখন জয়ী হৈছিল।"
দ্বিতীয় সন্তান জন্মৰ বাবে জাতীয় দলৰ পৰা ছুটী লৈছে কোহলীয়ে। প্ৰথম দুখন টেষ্টৰ পৰা আৰু তাৰ পিছত বাকী শৃংখলাৰ পৰা নাম প্ৰত্যাহাৰ কৰে। কিছুদিন আগতে তেওঁৰ দ্বিতীয় সন্তান অকয়াৰ জন্ম হৈছিল।
Leave A Comment