ডিজিটেল ডেস্ক:
এটা বৃহত্ বেংক জালিয়াতিৰ অভিযোগত CBI এ এবিজি শ্বিপয়াৰ্ড লিমিটেড আৰু প্ৰতিষ্ঠানটোৰ আন জড়িতসকলৰ বিৰুদ্ধে গোচৰ ৰুজু কৰিছে। শণিবাৰে এই কথা উল্লেখ কৰিছে CBIৰ বিষয়াই।
ভাৰতীয় ষ্টেট বেংকৰ নেতৃত্বত বেংকৰ এটা কনচৰ্টিয়ামক ২২,৮৪২ কোটি টকাৰ অধিক
প্ৰৱঞ্চনা কৰাৰ অভিযোগত এবিজি শিপইয়ৰ্ড লিমিটেড আৰু ইয়াৰ তদানীন্তন অধ্যক্ষ আৰু পৰিচালনা সঞ্চালক ঋষি কমলেশ আগৰৱালাৰ লগতে আনসকলৰ বিৰুদ্ধে গোচৰ ৰুজু কৰিছে তদন্তকাৰী সংস্থা CBIএ।
আগৰৱালাৰ উপৰিও সংস্থাটোৱে আইপিচি আৰু দুৰ্নীতি প্ৰতিৰোধ আইনৰ অধীনত অপৰাধমূলক ষড়যন্ত্ৰ, প্ৰৱঞ্চনা, অপৰাধমূলক বিশ্বাস ভঙ্গ আৰু চৰকাৰী পদবীৰ অপব্যৱহাৰৰ অভিযোগত তদানীন্তন কাৰ্যবাহী সঞ্চালক সান্ত্বনাম মুথাস্বামী, সঞ্চালক অশ্বিনী কুমাৰ, সুশীল কুমাৰ আগৰৱালা আৰু ৰবি বিমল নেভেটিয়া আৰু আন এটা কোম্পানী এবিজি ইণ্টাৰনেচনেল প্ৰাইভেট লিমিটেডৰ বিৰুদ্ধে গোচৰ ৰুজু কৰিছে CBIএ।
বেঙ্কে প্ৰথমে ৮ নৱেম্বৰ, ২০১৯ তাৰিখে এটা অভিযোগ দাখিল কৰিছিল যাৰ ওপৰত চিবিআইয়ে ১২ মাৰ্চ, ২০২০ তাৰিখে কিছু স্পষ্টীকৰণ বিচাৰিছিল। বেংকে সেই বছৰৰ আগষ্টত এটা নতুন অভিযোগ দাখিল কৰিছিল। ডেৰ বছৰ ধৰি গোচৰ সন্দৰ্ভত পৰীক্ষা কৰাৰ পিছত, চিবিআইয়ে ৭ ফেব্ৰুৱাৰী, ২০২২ তাৰিখে এজাহাৰ দাখিল কৰা অভিযোগৰ ওপৰত কাৰ্যপন্থা গ্ৰহণ কৰিছিল।
তথ্য অনুসৰি কোম্পানীটোক ২৮ টা বেংক আৰু বিত্তীয় প্ৰতিষ্ঠানৰ পৰা ঋণ মঞ্জুৰ কৰা হৈছিল আৰু ভাৰতীয় ষ্টেট বেংকে ২৪৬৮.৫১ কোটি টকাৰ ঋণ প্ৰদান কৰিছিল। ফৰেনচিক অডিটে দেখুৱাইছে যে ২০১২ ৰ পৰা ২০১৭ৰ ভিতৰত অভিযুক্তইঋণ গ্ৰহণ কৰি সেই পুঁজিৰ অপব্যৱহাৰ, অপৰাধমূলকভাৱে বিশ্বাস ভঙ্গকে ধৰি অবৈধ কাৰ্যকলাপ কৰিছিল।
এইটো কেন্দ্ৰীয় অনুসন্ধান ব্যুৰো (চিবিআই)ৰ দ্বাৰা পঞ্জীয়ন কৰা আটাইতকৈ ডাঙৰ বেংক জালিয়াতিৰ গোচৰ। পুঁজিবোৰ আন উদ্দেশ্যৰ বাবে ব্যৱহাৰ কৰা হৈছিল যাৰ বাবে সেইবোৰ বেংকে মুকলি কৰিছিল, ইয়াত কোৱা হৈছিল।
Leave A Comment