spot_img
26 C
Guwahati
Thursday, September 16, 2021
spot_img
Homeআন্তঃৰাষ্ট্ৰীয়কাবুল বিমানবন্দৰত পৰিত্যক্ত অৱস্থাত উদ্ধাৰ নৱজাতক

কাবুল বিমানবন্দৰত পৰিত্যক্ত অৱস্থাত উদ্ধাৰ নৱজাতক

আফগানিস্তান: আফগানিস্তানৰ ৰাজধানী কাবুল তালিবানে অধিগ্ৰহণ কৰাৰ লগে লগে দেশ এৰি যাবলৈ ওলোৱা আতংকিত বাসিন্দাসকলৰ সংঘৰ্ষই এক বৃহত শৰণাৰ্থী সংকটৰ সৃষ্টি কৰিছে। মঙলবাৰে কাবুল বিমানবন্দৰত পৰলক্ষিত এক মৰ্মস্পৰ্শী দৃশ্যই বিশ্বব্যাপী মানৱতাবাদী প্ৰহৰীসকলক উদ্বিগ্ন কৰি তুলিছে। কাবুলৰ হামিদ কাৰজাই আন্তৰ্জাতিক বিমানবন্দৰত পৰিত্যক্ত অৱস্থাত উদ্ধাৰ হয় এটি ৭ মহীয়া নৱজাতক।

ক্ৰন্দনৰত অৱস্থাত থকা নৱজাতকটিক বিমানবন্দৰৰ কৰ্মীয়ে উদ্ধাৰ কৰে। নৱজাতকটি উদ্ধাৰ কৰা হৈছে যদিও এতিয়ালৈকে পিতৃ–মাতৃৰ কোনো সন্ধান পোৱা নাই। বিমানবন্দৰত কৰ্তব্যৰত কৰ্মীসকলৰ অনুমান অনু্সৰি, কাবুলৰ বিমানবন্দৰত সৃষ্টিহোৱা অভাৱনীয় জনসমাগমৰ মাজত নৱজাতকটি পিতৃ–মাতৃৰ পৰা বিচ্ছিন্ন হৈ পৰে। শেহতীয়াকৈ, উদ্ধাৰ হোৱা নৱজাতকটিৰ এখন আলোকচিত্ৰ ভাইৰেল হৈ পৰিছে ছ’চিয়েল মিডিয়াত।

উল্লেখ্য যে, তালিবানসকলে আফগানিস্তান দখল কৰাৰ পাছৰে পৰা অশান্তজৰ্জৰ কাবুল। তালিবানীৰাজৰ পৰা মুক্তি পাবলৈ আফগানসকলৰ বহুতেই দেশ ত্যাগ কৰিবলৈ বাধ্য হৈছে। ক্ৰমাৎ ভয়াৱহ হৈ পৰিছে দেশখনৰ সামিয়ক পৰিস্থিতি। প্ৰাণৰ মমতাত বিমানৰ ইঞ্জিনৰ ওপৰত বহি যাত্ৰা কৰাৰ দৰে চাঞ্চল্যকৰ ঘটনাও সংঘটিত হৈছে। ফলত মৃত্যুৰ মুখত পৰিছে ৩ আফগানী লোক। এনে পৰিপ্ৰেক্ষিতত নৱজাতকৰ হৃদয়বিদাৰক ঘটনাই সচেতন মহলৰ মাজত উদ্ৰেগ সৃষ্টি কৰা পৰিলক্ষিত হৈছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
broken clouds
26 ° C
26 °
26 °
89 %
0kmh
75 %
Thu
25 °
Fri
30 °
Sat
31 °
Sun
31 °
Mon
31 °

Watch latest Movies & TV Series on Prag Play

Most Popular