spot_img
24.9 C
Guwahati
Monday, September 20, 2021
spot_img
Homeআঞ্চলিকগঁড়ৰ খৰ্গ সৰবৰাহৰ গোচৰত অভিযুক্ত অসমৰ ব্যৱসায়ীৰ আত্মসমৰ্পণ

গঁড়ৰ খৰ্গ সৰবৰাহৰ গোচৰত অভিযুক্ত অসমৰ ব্যৱসায়ীৰ আত্মসমৰ্পণ

গোলাঘাটঃ গঁড়ৰ খৰ্গৰ অবৈধ ব্যৱসায়ৰে জড়িত অসমৰ হোজাইৰ এজন ব্যৱসায়ীয়ে গোলাঘাট জিলাৰ বন বিষয়াসকলৰ সন্মুখত আত্মসমৰ্পণ কৰিছে। বন বিভাগে সদৰী কৰা মতে, তেওঁৰ বিৰুদ্ধে গঁড়ৰ খৰ্গৰ বে-আইনী ব্যৱসায় সম্পৰ্কীয় দুটা গোচৰ ৰুজু কৰা মোঃ ৰহিমুদ্দিন দীৰ্ঘদিন ধৰি পলাতক অৱস্থাত আছিল। আন এটা গোচৰত গ্ৰেপ্তাৰৰ পূৰ্বে জামিন লাভ কৰিবলৈ সক্ষম হৈছিল তেওঁ। কিন্তু দ্বিতীয়টো গোচৰত গ্ৰেপ্তাৰ কৰা হয় ধৃত চোৰাং ব্যৱসায়ীজনক।


বনৰক্ষীৰ তীক্ষ্ণ তত্‍পৰতাত সন্দেহজনক ব্যক্তিজনে দেওবাৰে বোকাখাতত আত্মসমৰ্পণ কৰে। ইফালে, তিনিচুকীয়া জিলাৰ দিহিং পাটকাই ৰাষ্ট্ৰীয় উদ্যানৰ পশ্চিম মাৰ্ঘেৰিটা ৰেঞ্জৰ অন্তৰ্গত বিভাগটোৰ কৰ্মচাৰীসকলে এটা পিষ্টল আৰু হৰিণৰ মাংস জব্দ কৰিছে। জব্দ কৰা মাংসৰ নমুনা ফ’ৰেনছিক লেব’ৰেটৰিলৈ প্ৰেৰণ কৰা হ’ব বুলি জানিবলৈ পোৱা গৈছে। অঞ্চলটোৰ ভিতৰত চোৰাং চিকাৰীৰ উপস্থিতি সন্দৰ্ভত এক গোপন সূত্ৰৰ পম খেদি, দেওবাৰে তেওঁলোকক আটক কৰিবলৈ এটা অনুসন্ধানকাৰী দল প্ৰেৰণ কৰা হৈছিল বুলিও ডিগব’ইৰ বিভাগীয় বন বিষয়াই সদৰী কৰিছে।


অৱশ্যে, চোৰাং চিকাৰীৰ দলটো দিহিং নৈত জঁপিয়াই পলায়ন কৰে। চোৰাং চিকাৰীৰ দলটোৰ বিৰুদ্ধে বন্যপ্ৰাণী সুৰক্ষা আইন ১৯৭২-ৰ অধীনত এটা অপৰাধ পশ্চিম মাৰ্ঘেৰিটা ৰেঞ্জৰ দ্বাৰা পঞ্জীয়নৰ লগতে অস্ত্ৰ আইনৰ অধীনত মাৰ্ঘেৰিটা আৰক্ষী থানাত এখন এজাহাৰ দাখিল কৰা হৈছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
clear sky
24.9 ° C
24.9 °
24.9 °
92 %
1.7kmh
1 %
Mon
25 °
Tue
30 °
Wed
27 °
Thu
30 °
Fri
32 °

Watch latest Movies & TV Series on Prag Play

Most Popular