ডিজিটেল ডেস্ক: গোসাঁইগাঁৱৰ শিমুলটাপু ডামৰাপাৰাত ড্ৰাগছ জব্দ। গোসাঁইগাঁৱৰ শিমুলটাপু আৰক্ষী চকীৰ অন্তৰ্গত ডামৰাপাৰাত ড্ৰাগছসহ এজন যুৱকক গ্ৰেপ্তাৰ কৰে আৰক্ষীয়ে।
শিমুলটাপু আৰক্ষীয়ে গোপন সূত্ৰৰ ভিত্তিত অভিযান চলাই ডামৰাপাৰা দলঙৰ তলৰ পৰা ড্ৰাগছসহ গোসাঁইগাঁৱৰ খামাৰপাৰাৰ জামাল আলীৰ পুত্ৰ সুৰূত জামাল আলীক(২৬) আটক কৰে।
আৰক্ষীয়ে ধৃত সুৰূত জামাল আলীৰ পৰা ২১টা কণ্টেইনাৰত মুঠ ১৩.১৮ গ্ৰাম ড্ৰাগছ উদ্ধাৰ কৰে। আৰক্ষীৰ সূত্ৰ অনুসৰি, ধৃত সুৰূত জামাল আলীয়ে পূৰ্বৰে পৰা ড্ৰাগছ সৰবৰাহত জড়িত থকাৰ সন্দেহ আছিল।
ঘটনাৰ সন্দৰ্ভত শিমুলটাপু আৰক্ষীয়ে তদন্ত অব্যাহত ৰাখিছে।
Continue Reading
