spot_img
13 C
Guwahati
13 C
Guwahati
শুক্ৰবাৰ, জানুৱাৰী 28, 2022
Homeৰাষ্ট্ৰীয়জীম, পাৰ্লাৰ খোলাৰ সন্দৰ্ভত প্ৰকাশ নতুন নিৰ্দেশনা

জীম, পাৰ্লাৰ খোলাৰ সন্দৰ্ভত প্ৰকাশ নতুন নিৰ্দেশনা

নতুন দিল্লীঃ দেশজুৰি ক’ভিডৰ দ্ৰুতসংক্ৰমণ৷ এই সয়মতে মহাৰাষ্ট্ৰ চৰকাৰে চেলুন আৰু জীমসমূহক লৈ দেওবাৰে দিছে গুৰুত্বপূৰ্ণ নিৰ্দেশনা৷ ৫০ শতাংশ কৰ্মচাৰীক কাম কৰাৰ অনুমতি দিয়া হ’ব চেলুন, জীম তথা ছুইমিং পুলসমূহত৷ মহাৰাষ্ট্ৰ চৰকাৰে এদিন পূৰ্বে ঘোষণা কৰা ক’ভিড-১৯ৰ নিষেধাজ্ঞা সংশোধন কৰাৰ কথা ঘোষণা কৰে। এই নিষেধাজ্ঞাসমূহ আজিৰপৰা কাৰ্যকৰী হ’ব।

ক’ভিড তথা অ’মিক্ৰনৰ সংক্ৰমণ দ্ৰুতগতিত হোৱা হেতুকে চৰকাৰে জীম আৰু বিউটী পাৰ্লাৰ বন্ধ থাকিব বুলি উল্লেখ কৰিছিল৷ বিউটী চেলুনবোৰ চুলি কটা চেলুনৰ সৈতে গোটবদ্ধ কৰা হ’ব আৰু চুলি কটা চেলুনৰ বাবে তালিকাত উল্লেখ কৰা সীমাবদ্ধতা সাপেক্ষে ৫০শতাংশ কৰ্মচাৰীৰ সৈতে খুলিলৈ অনুমতি দিয়া হ’ব। মাস্ক পৰিধান কৰি যিসমূহ কাৰ্য সম্পাদন কৰিব, কেৱল সেইসমূহৰহে অনুমতি প্ৰদান কৰা হৈছে৷ কেৱল সম্পূৰ্ণ টিকাকৰণ কৰা ব্যক্তিসকলকহে এই সেৱাসমূহ ব্যৱহাৰ কৰিবলৈ অনুমতি দিয়া হ’ব। কাৰ্যত নিয়োজিত সকলো কৰ্মচাৰীক সম্পূৰ্ণৰূপে টিকাকৰণ কৰা হ’ব বুলি চৰকাৰে এক বিবৃতিত কয়।

জীমৰ বাবেও একেধৰণৰ নিৰ্দেশনা জাৰি কৰা হৈছে৷ চৰকাৰে কেৱল সম্পূৰ্ণ টিকাকৰণ কৰাসকলকহে এই সুবিধা ব্যৱহাৰ কৰিবলৈ অনুমতি দিয়া হ’ব বুলি জানিবলৈ দিয়ে। সকলোতে মাস্ক বাধ্যতাসমূহ কৰা হৈছে৷

আনহাতে, মহাৰাষ্ট্ৰ চৰকাৰে শনিবাৰে ৰাজ্যখনত নতুন নিষেধাজ্ঞা আৰোপ কৰিছিল, য’ত বিদ্যালয় আৰু মহাবিদ্যালয় বন্ধ কৰাৰ ঘোষণা কৰিছিল৷ লগতে অত্যাৱশ্যকীয় সেৱাৰ বাহিৰে পাঁচ বা ততোধিক গোটত মানুহৰ চলাচল নিষিদ্ধ কৰিছিল।

দশম আৰু দ্বাদশ শ্ৰেণীৰ শিক্ষাৰ্থীৰ বাবে প্ৰয়োজনীয় কাৰ্য-কলাপৰ বাহিৰে বিদ্যালয়, মহাবিদ্যালয় ১৫ ফেব্ৰুৱাৰীলৈকে বন্ধ থাকিব। সম্পূৰ্ণ টিকাকৰণ কৰা লোকসকলৰ বাবে ৰাজহুৱা পৰিবহণ মুকলি থাকিব আনহাতে ৰেষ্টুৰেণ্ট আৰু ভোজনালয়সমূহত ৫০ শতাংশ কৰ্মচাৰীৰে কাম কৰিবলৈ অনুমতি দিয়া হৈছে।

RELATED ARTICLES

Watch latest Movies & TV Series on Prag Play

Most Popular