সন্ত্ৰাসবাদীয়ে কাঢ়িলে ৯ সেনাৰ প্ৰাণ, জম্মু-কাশ্মীৰত পুনৰ সংকটকাল!

506
সেনা
সন্ত্ৰাসবাদীয়ে কাঢ়িলে ৯ সেনাৰ প্ৰাণ, জম্মু-কাশ্মীৰত পুনৰ সংকটকাল!

ডিজিটেল ডেস্কঃ জম্মু কাশ্মীৰত পুনৰ সেনাৰ মৃত্যু। মৃত সেনাৰ সংখ্যা ৯জনলৈ বৃদ্ধি। জম্মু কাশ্মীৰৰ সীমান্তৱৰ্তী জিলা পুঞ্চত ভাৰতীয় সেনাই উগ্ৰপন্থী বিৰোধী অভিযান অব্যাহত ৰাখিছে। এই অভিযানতে এতিয়ালৈকে ৯ জন সেনা জোৱানে প্ৰাণ হেৰুৱাইছে, যি কথা অতি উদ্বেগজনক বুলি বিবেচিত হৈছে। শুকুৰবাৰে ৰাইফলমেন বিক্ৰম সিং নেগী(২৬) আৰু যোগম্বৰ সিঙ(২৭)ৰ মৃতদেহ উদ্ধাৰ হৈছিল।

শনিবাৰে সন্ধিয়া মেন্ধাৰ অঞ্চলৰ নাৰ খাছ অৰণ্যত উদ্ধাৰ হয় সুবেদাৰ অজয় সিং আৰু নায়েক হৰেন্দ্ৰ সিঙৰ মৃতদেহ। আনহাতে বৃহস্পতিবাৰে ভাটা ডুৰিয়ান গাঁৱৰ ওচৰৰ অৰণ্যত উগ্ৰপন্থীৰ সৈতে হোৱা ভয়ংকৰ গুলীযুদ্ধৰ পিছৰে পৰা চাৰিজন কৰ্মী সন্ধানহীন হৈ আছিল।

সেনাৰ PRO লেফটেনেণ্ট কৰ্ণেল দেৱেন্দ্ৰ আনন্দে শনিবাৰে উদ্ধাৰ হোৱা মৃতদেহকেইটা জশবিন্দৰ সিং, মনদীপ সিং,গজ্জন সিং,সৰজ সিং আৰু বৈশাখ সিঙৰ বুলি চিনাক্ত কৰিছে। যোৱা সোমবাৰৰ পৰা সেনা বাহিনীয়ে উগ্ৰপন্থীৰ বিৰুদ্ধে অভিযান অব্যাহত ৰখা গোটটো পাকিস্তানৰ এটা সশস্ত্ৰ বৃহৎ গোট বুলি সন্দেহ কৰিছে ভাৰতীয় সেনা বাহিনীয়ে।