spot_img
30 C
Guwahati
Tuesday, September 21, 2021
spot_img
Homeব্ৰেকিং নিউজউন্নয়নৰ নতুন কাহিনী ৰচিব উত্তৰ প্ৰদেশেঃ যোগী আদিত্যনাথ

উন্নয়নৰ নতুন কাহিনী ৰচিব উত্তৰ প্ৰদেশেঃ যোগী আদিত্যনাথ

গোৰখপুৰঃ উত্তৰ প্ৰদেশৰ অন্তৰ্গত গোৰখপুৰ জিলাখনে উন্নয়নৰ নতুন নজিৰ সৃষ্টি কৰা বুলি মুখ্যমন্ত্ৰী যোগী আদিত্যনাথে মন্তব্য কৰিছে। জিলাখনে মাফিয়া, মহৰ পৰা পৰিত্ৰাণ পোৱাৰ লগতে উন্নয়নৰ এক নতুন দিশ ৰচনা কৰিছে বুলি মতপোষণ মুখ্যমন্ত্ৰীগৰাকীৰ। তেওঁ কয়, ‘এটা সময় আছিল যেতিয়া পূৱ উত্তৰ প্ৰদেশ মাফিয়াৰ কেন্দ্ৰস্থল আছিল আৰু অঞ্চলটোত মেলেৰিয়া, এনকেফেলাইটিছ, ডেংগুৰ ঘটনা অভাৱনীয় হাৰত বৃদ্ধি পাইছিল।

কিন্তু এতিয়া পৰিস্থিতি সলনি হৈছে।’ চেনিটাইজেচন অভিযানৰ আৰম্ভণি কৰি মুখ্যমন্ত্ৰীগৰাকীয়ে ভাষণ প্ৰসংগত ৰাজ্যখনত চেনিটাইজেচন প্ৰক্ৰিয়াৰ বহুল প্ৰসাৰৰ লগতে এনকেফেলাইটিছৰ দৰে মহামাৰীক নিয়ন্ত্ৰণৰ বাবে বিহিত কাৰ্যসূচী হাতত লোৱাৰো ইংগিত দিয়ে। ড০ সৰ্বপল্লী ৰাধাকৃষ্ণণৰ জন্ম বাৰ্ষিকীত যোগী চৰকাৰে আৰম্ভ কৰা চেনিটাইজেচন অভিযান ১২ ছেপ্টেম্বৰলৈকে অব্যাহত থাকিব বুলিও সদৰী কৰে আদিত্যনাথে।


যোগী আদিত্যনাথে গোৰখপুৰ জিলাৰ সদৰ তহচিল, বেলৱাৰ, কৌদিৰাম আৰু গোলা অঞ্চলৰ বানপীড়িতসকলক সাক্ষাৎ কৰাৰ লগতে ভুক্তভোগী জনতাক সাহায্য সামগ্ৰী বিতৰণ কৰে। বানপীড়িত অঞ্চলসমূহৰ জৰীপ কৰাৰ পূৰ্বে আদিত্যনাথে গোৰখনাথ মন্দিৰত জনতা দৰবাৰৰ সময়ত লোকসকলক সাক্ষাৎ কৰে আৰু ট’কিঅ’ পেৰালিম্পিকত পুৰুষৰ একক বেডমিণ্টন ইভেণ্টত ৰূপৰ পদক অৰ্জন কৰাৰ বাবে গৌতম বুদ্ধ নগৰ জিলা দণ্ডাধীশ সুহাছ এলৱাইক অভিনন্দন জ্ঞাপন কৰিছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
30 ° C
30 °
28.4 °
74 %
0kmh
75 %
Tue
31 °
Wed
28 °
Thu
31 °
Fri
32 °
Sat
32 °

Watch latest Movies & TV Series on Prag Play

Most Popular