মহিলা যাত্ৰীক অশ্লীল মেছেজ প্ৰেৰণ কৰি বিপদত পৰিল উবেৰ চালক

দিল্লীৰ অধিবক্তা তনয়া শৰ্মাই উবেৰৰ চালকজনৰ অভদ্ৰতা সন্দৰ্ভত ছ’চিয়েল মিডিয়াত তেওঁৰ কাহিনী শ্বেয়াৰ কৰে। ইয়াকে লৈ আকৌ এবাৰ মহিলাৰ সুৰক্ষা সন্দৰ্ভত বিতৰ্ক আৰম্ভ হৈছে। তনয়াই কয় যে তেওঁ উবেৰ এপৰ জৰিয়তে কেব বুকিং কৰিছিল, বুকিং কৰাৰ কেইমিনিটমানৰ ভিতৰতে ড্ৰাইভাৰে তেওঁক অশ্লীল মেছেজ পঠিয়াবলৈ আৰম্ভ কৰে।

এই ঘটনাৰ লগে লগে তনয়াই বুকিং বাতিল কৰি উবেৰ কোম্পানীক অভিযোগ কৰে। 

এই কাণ্ড সংঘটিত হৈছিল দিল্লীৰ এটা আড়ম্বৰপূৰ্ণ অঞ্চলত, যাক তনয়াই তেওঁৰ জীৱনৰ আটাইতকৈ বিৰক্তিকৰ অভিজ্ঞতা বুলি অভিহিত কৰিছে। এই বাৰ্তাৰ সৈতে জড়িত স্ক্ৰীণ শ্বটটোও তেওঁ শ্বেয়াৰ কৰে।

তনয়াই লিংকডইনত লিখিছে যে ‘‘আমি একবিংশ শতিকাত জীয়াই আছোঁ, কিন্তু আজিও মহিলাসকলে এনে ঘটনাৰ সন্মুখীন হ’বলগীয়া হৈছে। এই আচৰণ এতিয়াও কিয় হৈ আছে মই বুজিব পৰা নাই।’’

তনয়াৰ এই পোষ্ট ভাইৰেল হোৱাৰ লগে লগে মানুহৰ মাজত ক্ষোভৰ সৃষ্টি হৈছে। এজন ব্যৱহাৰকাৰীয়ে লিখিছে যে ‘‘এইটো অতি লজ্জাজনক। মহিলাৰ সুৰক্ষা নিশ্চিত কৰাটো কোম্পানীসমূহৰ প্ৰধান দায়িত্ব হ’ব লাগে।’’

ঘটনাটো ভাইৰেল হোৱাৰ পিছতেই উবেৰে তাৎক্ষণিক ব্যৱস্থা গ্ৰহণ কৰি অভিযুক্ত চালকজনক নিজৰ প্লেটফৰ্মৰ পৰা নিষিদ্ধ কৰে। তনয়াই তেওঁৰ ফ’ল’-আপ পোষ্টত এই পদক্ষেপটো নিশ্চিত কৰি লিখিছে যে ‘‘মই ধন্য যে মানুহে মোক সমৰ্থন কৰিলে। 

উবেৰ কোম্পানীয়ে চালকজনক নিষেধাজ্ঞা আৰোপ কৰিছে যাতে তেওঁ আন কাৰোৰে লগত এই কাম কৰিব নোৱাৰে। এনেবোৰ বিষয়ক অধিক গুৰুত্বসহকাৰে লোৱাটো মই বিচাৰো।’’