কেশৰৰ সোৱাদ বিচাৰি বিমলৰ পাছে পাছে দৌৰিছে অজয়-শ্বাহৰূখে...

• Image Credit: Internet

• Dec 22, 2021 | Deleted

ডিজিটেল ডেস্ক : 'দূৰ কিতনা ভি যা, জোবান ছে দূৰ না যা পাওগে' - কেশৰৰ সোৱাদ বিচাৰি 'বিমল'ৰ পাছে পাছে দৌৰিছে অজয়-শ্বাহৰূখে৷ বলীউড অভিনেতা অজয় দেৱগনৰ পাছত এইবাৰ কেশৰৰ মোহত বন্দী কিং খান খ্যাত শ্বাহৰূখ খান৷ যুৱ প্ৰজন্মৰ মাজত বিশেষভাৱে জনপ্ৰিয় বিমল পানমছলাৰ বিজ্ঞাপনত এইবাৰ একেলগে দেখা গ'ল অজয়-শ্বাহৰূখক৷ "আহে আহে কেশৰৰ সোৱাদ" - অজয়ৰ এই বিজ্ঞাপনৰ পাছৰে পৰা বিমলৰ মাজত কেশৰৰ সোৱাদ ল'বলৈ লানি নিচিঙা হৈছে যুৱচামৰ৷

অৱশ্যে গুটখা, পানমছলাৰ কোম্পানীসমূহে এনে ধৰণৰ বিজ্ঞাপন প্ৰদান কৰি বিপদত পৰিছে৷ বিশেষকৈ অজয় দেৱগন আৰু শ্বাহৰূখ খানৰ দৰে বলীউড তাৰকাক এনে বিজ্ঞাপনত লোৱাৰ পাছৰে পৰা বিতৰ্কৰ মাজত সোমাই পৰিছে গুটখা কোম্পানী৷ যুৱ প্ৰজন্মই সততে আকৰ্ষিত হোৱা গুটখা জাতীয় সামগ্ৰীৰ বিজ্ঞাপনত বলীউড অভিনেতা দুগৰাকীক লোৱাক লৈ দিল্লী উচ্চ ন্যায়ালয়ে কোম্পানীক প্ৰেৰণ কৰিছে জাননী৷

গুটখা আৰু যুৱ সমাজ - এক এৰাব নোৱাৰা বান্ধোনত বান্ধ খাই পৰিছে বৰ্তমান সময়ত৷ অজয় দেৱগনৰ এগৰাকী অনুৰাগীয়ে গুটখাৰ বিজ্ঞাপন অনুসৰণ কৰি চিকাৰ হ'ব লগা হ'ল কেন্সাৰ ৰোগৰ৷ নানাকৰম মীনা নামৰ এগৰাকী ৪০বছৰীয়া ব্যক্তি অজয় দেৱগনৰ বিজ্ঞাপনৰ পাছতে নিয়মীয়াকৈ গ্ৰহণ কৰিছিল গুটখা৷ ৰোগীজনৰ পৰিয়ালৰ লোকে জনোৱা মতে অত্যাধিক গুটখা গ্ৰহণৰ পাছতে আক্ৰান্ত হয় কেন্সাৰত৷ ইয়াৰ পাছৰে পৰা ব্যক্তিগৰাকীয়ে পথত পুস্তিকা বিতৰণ কৰে গুটখা গ্ৰহণ নকৰিব বাবে৷ এয়া এক উদাহৰণহে মাথো, যুৱ প্ৰজন্মৰ বহুতো গুটখাৰ কৱলতে কম বয়সতে মাৰাত্মক ৰোগৰ চিকাৰ হ'ব লগা হয়৷ গতিকে কোম্পানীসমূহে এই ক্ষেত্ৰত নিজৰ লাভালাভ সমূহৰ কাৰণে তথা জনপ্ৰিয় তাৰকা-মহাতাৰকাক এনে বিজ্ঞাপনত সংযোজিত কৰোৱাই ভয়ংকৰ বিপদৰ মাজলৈ থেলি দিছে৷