ডিজিটেল ডেস্কঃ
সদাব্যস্ত বলীউড এইবাৰ ব্যস্ত হৈ পৰিছে অভিনেত্ৰী সামান্থাক লৈ। অভিনেত্ৰীগৰাকীক কেন্দ্ৰ কৰিয়েই এতিয়া অন্তহীন কৌতুহলে বিৰাজ কৰিছে। বলীউড অভিনেতা হৃত্বিক ৰোশনৰ সৈতে হেনো সামান্থাৰ মন দিয়া মন নিয়া চলিছে। অলপতে, বলীউডৰ জনপ্ৰিয় অভিনেতা হৃত্বিকৰ সৈতে সামাজিক মাধ্যমত কেইবাখনো ফটো পোষ্ট কৰিছিল সামান্থাই। অভিনেত্ৰীগৰাকী বৰ্তমান মুম্বাইত আছে। সেইকাৰণে হৃত্বিক-সামান্থাৰ ৰসায়নক লৈ এতিয়া তোলপাৰ লাগিছে বলীউডত।
কেবল হৃত্বিকে নহয় বলীউডৰ ছুপাৰষ্টাৰ ছলমান খানৰ সৈতেও সামান্থা ৰ সম্পৰ্কক লৈ আছে নানা গুজৱ। প্ৰকৃততে ছলমান-হৃত্বিকৰ সৈতে কি সম্পৰ্ক আছে মোহময়ী অভিনেত্ৰী সামান্থাৰ এই সন্দৰ্ভত অভিনেত্ৰীগৰাকীয়ে নিজেই মন্তব্য কৰিছে। শেহতীয়াকৈ, ভাৰতীয় সংবাদ মাধ্যমত দিয়া এক সাক্ষাৎকাৰত অভিনেত্ৰীগৰাকীয়ে হৃত্বিকৰ প্ৰশংসাত গদগদ হৈ পৰে।
হৃত্বিকক লগ পোৱাৰ অভিজ্ঞতাক সুকীয়া আখ্যা সামান্থাৰ। তেওঁ কয়, ‘ আমেৰিকা যুক্তৰাষ্ট্ৰত ‘হাৱাই’ৰ বিষয়ে আমাৰ মাজত বহু সময় ধৰি কথা-বাৰ্তা চলিছিল। ‘হাৱাই’ পৃথিৱীৰ মোৰ প্ৰিয় স্থানসমূহৰ ভিতৰত অন্যতম। মই তাতে আছিলো। সৰুৰে পৰা তালৈ মোৰ অহা-যোৱা। ৪বছৰ ধৰি ‘হাৱাই’ত এটা যোগা ষ্টুডিঅ’ চলাইছিলো মই।
হৃত্বিকৰ সৈতে ‘হাৱাই’ৰ বিষয়ে কথা পাতি ভাল লাগিছিল। ইয়াৰোপৰি আমি চিনেমা বিষয়ক কথাও পাতিছিলো।আৰু হৃত্বিক দেখাতো বৰ ধুনীয়া।’ ইফালে ছলমান খানৰ জন্মদিনৰ পাৰ্টীতো দেখা গৈছিল এইগৰাকী অভিনেত্ৰীক। ভাইজানৰ সৈতে সামান্থাৰ সম্পৰ্কৰ বিষয়েও উঠিছিল গুঞ্জন। এই সম্পৰ্কত সামান্থা প্ৰভূৱে কয়, ‘ মই ভাবো মানুহে এইবোৰ কথা কৈ ভালপায়।
একো নাথাকিলেও মানুহে অনুমানতে কিছু কথা কৈ ভাল পায়। মই বুজি নাপাওঁ মানুহে এইবোৰ আইডিয়া ক’ত পায়? অ’ হৃত্বিক ৰোশনক লগ পোৱাৰ দৰে মই ছলমানকো লগ পাইছিলো।কিন্তু কোনেও হৃত্বিক আৰু মোৰ বিষয়ে আজিলৈকে একো কোৱা নাই। মই বুজি নাপাও মানুহে এই বাতৰিবোৰ ক'ৰ পৰা সংগ্ৰহ কৰে।’
Leave A Comment