ডিজিটেল ডেস্কঃ কপিল শৰ্মাই তেওঁৰ বৃত্তি সলনি কৰিলে নেকি? আজিকালি কপিল শৰ্মাক প্ৰায়ে ফুড ডেলিভাৰী বয় ৰূপে ভুৱনেশ্বৰৰ ৰাস্তাত ঘূৰি ফুৰা দেখা যায়। এনে পৰিস্থিতিত কপিলৰ অনুৰাগীসকলেও তেওঁক কেনেবাকৈ ৰাস্তাত লাইভ দেখিব পাৰি নেকি তাৰ সন্ধানত আছে। দৰাচলতে কপিল শৰ্মাই নন্দিতা দাসে পৰিচালনা কৰা এখন নতুন চলচ্চিত্ৰত ফুড ডেলিভাৰী বয়ৰ চৰিত্ৰত অভিনয় কৰিছে। চিনেমাখনৰ দৃশ্যগ্ৰহণ ইতিমধ্যেই আৰম্ভ হৈছে।এতিয়া কপিলৰ এখন ফটো ছ'চিয়েল মিডিয়াত ভাইৰেল হৈ পৰিছে।
ভাইৰেল হোৱা ফটোখন কপিল শৰ্মাৰ এজন অনুৰাগীয়ে টুইটাৰত শ্বেয়াৰ কৰিছে। ফটোখনত, কপিল শৰ্মাক ফুড ডেলিভাৰী বয়ৰ পোছাক পিন্ধা দেখা গৈছে। কমলা টি-চাৰ্ট পিন্ধি কপিল শৰ্মা এখন মটৰচাইকেলত বহি আছে। তেওঁৰ পিঠিত খাদ্যৰ এটা ডাঙৰ বেগ আছে। মূৰত এটা ক'লা ৰঙৰ হেলমেটো আছে। কপিলে চিগনেলত গাড়ীৰ মাজত তেওঁৰ বাইকখন লৈ ৰৈ আছে। ফটোখন শ্বেয়াৰ কৰি অনুৰাগীজনে লিখিছিল, 'ছাৰ জী মই আপোনাক আজি লাইভত দেখিলোঁ।' এই ফটোখন ৰিটুইট কৰি কপিলে ধেমালিসূচক মন্তব্য লিখি কৈছিল, 'কাকো নক'ব।'
ফটোখনত দেখা গৈছে যে কপিল দুচকীয়া বাহনখন লৈ ভিৰৰ মাজত ৰৈ আছে আৰু সকলোৱে তেওঁক চাই আছে।সকলোৰে চকু কপিল শৰ্মাৰ ওপৰত। আনহাতে কপিল শৰ্মাক গভীৰ চিন্তাধাৰাত নিমজ্জিত হোৱা দেখা গৈছে। উল্লেখ্য যে নন্দিতা দাসৰ পৰিচালনাত নিৰ্মাণ কৰা এই নতুন ছবিখনৰ নাম এতিয়াও
ঘোষণা কৰা হোৱা নাই। ভুৱনেশ্বৰত নিৰ্মাণ কৰা ছবিখনত কপিল শৰ্মাক ফুড ডেলিভাৰী বয় হিচাপে দেখুওৱা হ'ব। কপিল শৰ্মাৰ বিপৰীতে অভিনেত্ৰী শ্বাহনা গোস্বামীক দেখা যাব। ছবিখনত শ্বাহনাই কপিল শৰ্মাৰ পত্নীৰ চৰিত্ৰত অভিনয় কৰিব। ছবিখন এপোলোচ এণ্টাৰটেইনমেণ্ট আৰু নন্দিতা দাস ইনিছিয়েটিভৰ দ্বাৰা প্ৰযোজনা কৰা হৈছে।
আৰু পঢ়কঃ ‘কাশ্মীৰ ফাইলছ’ৰ পৰিচালক বিবেক অগ্নিহোত্ৰীক ‘Y’ শ্ৰেণীৰ নিৰাপত্তা প্ৰদান গৃহ মন্ত্ৰালয়ৰ
Leave A Comment