ডিজিটেল ডেস্কঃ শুকুৰবাৰে সমগ্ৰ দেশতে হোলী উদযাপন কৰা হয়। ইয়াৰ মাজতে বলীউড অভিনেত্ৰী কাজলে এটা ভিডিঅ' পোষ্ট কৰিছিল যাৰ বাবে তেওঁক এতিয়া ছ'চিয়েল মিডিয়াত ট্ৰ'লৰ টাৰ্গেট কৰি লোৱা হৈছে। এই ভিডিঅ'টোত দেখা গৈছে যে হোলীত পানী বচাবলৈ মানুহক আহ্বান জনাইছে কাজলে।
কাজলে ভিডিঅ'টোত কৈছিল "সকলোকে হোলীৰ শুভেচ্ছা, পানী বচাওক আৰু সুৰক্ষিতভাৱে হোলী খেলক।" এই ভিডিঅ'টোৰ বাবে বেয়াকৈ ট্ৰ'লৰ সন্মুখীন হৈছে কাজল। এজনে কাজলৰ এই ভিডিঅ'টোত মন্তব্য কৰি লিখিছিল-''কাজল হোলীত পানী বচাবলৈ আপুনি জ্ঞান দি আছে। প্ৰথমে আপোনাৰ স্বামীক 'গুটখা'ৰ প্ৰচাৰ নকৰিবলৈ বুজায় দিয়ক। মানুহে গুটখা খাই মজিয়াত আৰু দেৱালত পিকায়। ইয়াক পৰিষ্কাৰ কৰিবলৈ যথেষ্ট পানী খৰচ হয়।
এজন ব্যৱহাৰকাৰীয়ে লিখিছিল-''যদি আপুনি পানী ইমান সঞ্চয় কৰাৰ কথা ভাবে তেন্তে আপুনি সপ্তাহত কেৱল এবাৰহে গা ধুব লাগে।'' এজনে লিখিছিল-''কাজল জী,আপুনি জ্ঞান নিদিয়াই ভাল,বাকী বেলেগৰ উৎসৱটোতো কিবা কওঁক। বলীউডৰ মানুহে কেৱল হোলীকহে বিচাৰি পায় নেকি?'' একে সময়তে এজন ব্যৱহাৰকাৰীয়ে লিখিছিল- ''এইবাৰ কাজলে হোলীত 'পানী বচাওক' বুলি জ্ঞান বিলাবলৈ আহিছে। ৰাজহুৱা স্থানৰ পৰা গুটখাৰ দাগ আঁতৰাবলৈ প্ৰতি বছৰে ১২০০ কোটি টকা আৰু কোটি লিটাৰ পানী ব্যৱহাৰ কৰা হয়। গতিকে গুটখাৰ প্ৰচাৰ কৰি টকা উপাৰ্জন কৰাটোও ভাল কথা নহয়। প্ৰথমে ঘৰত আৰু তাৰপাছত পৃথিৱীত জ্ঞান বিলাবলৈ আহিব।''
কিছুমান ব্যৱহাৰকাৰীয়ে আনকি কাজলৰ চলচ্চিত্ৰৰ দৃশ্যবোৰ ভাইৰেল কৰিবলৈ আৰম্ভ কৰিছিল য'ত পানী অপচয় হৈছিল। এজন ব্যৱহাৰকাৰীয়ে কাজলৰ এখন ফটো শ্বেয়াৰ কৰি লিখিছিল-''টকা পালে পানী অপচয় কৰা কাজলে হোলীত পানী সঞ্চয় কৰাৰ জ্ঞান দি আছে।''
একে সময়তে এজন ব্যৱহাৰকাৰীয়ে লিখিছিল-"মাই নেম ইজ খান" ছবিখনৰ এটা দৃশ্যৰ বাবে ২৪ লাখ লিটাৰতকৈও অধিক পানী ব্যৱহাৰ কৰা হৈছিল আৰু হোলীৰ সময়ত এই একেগৰাকী মানুহেই পানী সঞ্চয়ৰ জ্ঞান দিবলৈ আহে। কি যে ভণ্ডামি।''
এজন ব্যৱহাৰকাৰীয়ে লিখিছিল-''কেৱল ভাৰতীয় ৰে'লৱেই গুটখাৰ দাগ
পৰিষ্কাৰ কৰিবলৈ প্ৰতি বছৰে ১২০ কোটি টকা ব্যয় কৰে, সেয়েহে সমগ্ৰ দেশত গুটখাৰ বাবে কিমান পানী আৰু ধন অপচয় হৈছে চিন্তা কৰক।'' মুঠৰ ওপৰত এনেদৰেই ছ'চিয়েল মিডিয়াত নেটিজেনসকলৰ তীব্ৰ কটাক্ষ আৰু ক্ষোভৰ বলি হৈছে কাজল।
আৰু পঢ়কঃ ফুড ডেলিভাৰী বয় হ’ল কপিল শৰ্মা! এজন অনুৰাগীয়ে দেখাত কপিলে ক’লে-‘কাকো নক’ব’
Leave A Comment