স্বাস্থ্য
ডিজিটেল ডেস্কঃ গৰমৰ দিনত মানুহে তিয়ঁহ খাই ভালপায়। গৰমৰ দিনত তিয়ঁহৰ ৰস আপোনাৰ শৰীৰৰ বাবে অতি স্বাস্
ডিজিটেল ডেস্ক : ‘য’ত সন্মান নাই, প্ৰেমৰ কোনো মূল্য নাই।’ বিচ্ছেদ বহু কঠিন৷ তথাপি সন্মানতকৈ ডাঙৰ হ’ব নোৱাৰে কেতিয়াও প্ৰেম-ভালপোৱা৷ বিৰহৰ বেদনাই দহিছে এতিয়া অভিনেত্ৰীগৰাকীৰ মন৷ কাক কি ক’ব? নিজক কি বুজাব? হ’লেও জীৱনৰ মধুময় সময়কেই যেন সাক্ষী কৰি চলিব তেওঁ৷ তেওঁ হৈছে এসময়ৰ মিছ ইউনিভৰ্ছ সুস্মিতা সেন৷ মডেল ৰোহমান শালৰ সৈতে তেওঁৰ সম্পৰ্ক আদি পৰাৰ পাছত ছ’চিয়েল মিডিয়াত অভিনেত্ৰীগৰাকীক লৈ উঠিছে বহু চৰ্চা৷ অভিনেত্ৰীগৰাকীয়ে তেওঁৰ বিভাজনৰ পাছৰেপৰা প্ৰেম আৰু সম্পৰ্কৰ বিষয়ে বিভিন্ন ৰহস্যজনক পোষ্ট কৰি আহিছে ছ’চিয়েল মিডিয়াত৷
মোহময়ী অভিনেত্ৰীগৰাকী বিচ্ছেদে অনুৰাগীসকলক অবাক কৰি পেলাইছিল। সুস্মিতাই অলপতে ইনষ্টাগ্ৰামত অনুৰাগীসকলৰ সৈতে কথা পাতিছিল। তাত, তেওঁ কৈছিল যে তেওঁ প্ৰেমতকৈ সন্মানক বহুত বেছি গুৰুত্ব দিয়ে।
ইনষ্টাগ্ৰামত কথোপকথনৰ সময়ত, এজন অনুৰাগীয়ে সুস্মিতাক (সুস্মিতা সেন) সুধিছিল যে তেওঁৰ প্ৰতি সন্মানৰ সংজ্ঞা কি? সুস্মিতাই কৈছিল, ‘সন্মান মোৰ বাবে সকলো। মোৰ সদায় প্ৰেমৰ প্ৰতিও সন্মান থাকে।’ লগতে তেওঁ কৈছিল যে, প্ৰেমৰ অনুভৱে সকলোকে কৰি তোলে ভাবুক৷ কিন্তু কিতাপ-পত্ৰই বা চিনেমাত দেখুৱা প্ৰেম সদায় অবাস্তৱ৷
লগতে তেওঁ কয়, ‘য’ত সন্মাননাই, প্ৰেমৰ কোনো মূল্য নাই। যদি আপোনাৰ সন্মানথাকে, প্ৰেম আহিব, আৰু চিৰকাল থাকিব। আনহাতে এইবুলিও তেওঁ উল্লেখ কৰে যে, 'য'ত কোনো সন্মান নাই, প্ৰেমৰ কোনো অৰ্থ নাই। সন্মান মোৰ বাবে গুৰুত্বপূৰ্ণ।'
Leave A Comment