অষ্টাদশ সংখ্যক মুম্বাই আন্তঃৰাষ্ট্ৰীয় চলচ্চিত্ৰ মহোৎসৱত এছিয়াৰ মহিলা চলচ্চিত্ৰ নিৰ্মাতাৰ ছবিয়ে আকৰ্ষণ কৰিছে দৰ্শকক

"এছিয়ান মহিলা চলচ্চিত্ৰ নিৰ্মাতা" পেকেজত অন্তৰ্ভুক্ত  পাঁচখন ব্যতিক্ৰমী ছবিয়ে সমগ্ৰ এছিয়াৰ ছগৰাকী মহিলা পৰিচালকৰ প্ৰতিভাক উদ্ভাসিত কৰিছে।  প্ৰতিখন ছবিয়ে মত প্ৰকাশৰ স্বাধীনতা, সমাজত বিদ্যমান  প্ৰত্যাহ্বান আৰু নাৰীৰ অদম্য সাসহৰ  এক অনন্য দৃষ্টিভংগী প্ৰতিফলিত কৰিছে।

এই বিশেষ শিতানত অন্তৰ্ভুক্ত কৰা ছবিসমূহ হ’ল-

১) ডুয়েট

একিন ইলকবাগ আৰু ইডিল আক্কুছ পৰিচালিত ছবি  "ডুয়েট"-এ দুগৰাকী  সাঁতোৰবিদ মিশ্ৰ আৰু ডেফনেৰ কাহিনীক প্ৰতিফলিত কৰিছে। তেওঁলোক আজন্ম বন্ধু।  তেওঁলোকে ২০১৬ চনত অলিম্পিকত স্থান লাভ কৰিব পৰা নাছিল আৰু ২০২০ চনৰ অলিম্পিকৰ বাবে তেওঁলোকে  যোগ্যতা অৰ্জন কৰিবলৈ প্ৰাণপণে চেষ্টা কৰিছিল। কিন্তু সেই পথ মসৃণ নাছিল, এটা অদক্ষ ফেডাৰেচন , কভিড-১৯ মহামাৰীৰ সংহাৰ আৰু  এলজিবিটিকিউআইএ(সমকামী) সম্প্ৰদায়ৰ প্ৰতি  সমাজৰ দৃষ্টিভংগীয়ে তেওঁলোকক বহু ক্ষেত্ৰত হতাশ কৰিছিল।  ছবিৰ কাহিনী তেনেদৰেই আগবাঢ়িছিল।   ছবিখনে দৰ্শকক নানা দিশৰ সন্ধান দিছে। ছবি খনত প্ৰতিটো  চৰিত্ৰ মূৰ্ত হৈ পৰিছে।

পৰিচালকসকলৰ বিষয়ে:

একিন ইলকবাগ: লণ্ডনৰ কলা বিশ্ববিদ্যালয়ৰ স্নাতক একিনে  ইস্তানবুললৈ  গৈ  সহকাৰী পৰিচালক হিচাপে কাম কৰে। "ডুয়েট" (২০২২), ছবি খনৰ জড়িয়তে তেওঁৰ পৰিচালক হিচাবে  অভিষেক ঘটিছিল। তেওঁৰ এই ছবি খনে ৫৯ সংখ্যক আন্টালিয়া গোল্ডেন অৰেঞ্জ চলচ্চিত্ৰ মহোৎসৱত বিশেষ জুৰী বঁটা লাভ কৰে।

ইডিল আক্কুছ: ইস্তানবুলত বাস কৰা এজন স্বতন্ত্ৰ পৰিচালক আৰু চলচ্চিত্ৰ সম্পাদক ইডিলে ইস্তানবুল বিশ্ববিদ্যালয়ৰ পৰা ডিগ্ৰী লাভ কৰিছে। তেওঁ মূলতঃ টেলিভিছন ধাৰাবাহিক আৰু তথ্যচিত্ৰত কাম কৰি আহিছে।

২) টেকুইলা ছানছেট

জিনছুই ছঙৰ পৰিচালনাত নিৰ্মিত এই ছবিখনত ৭০ বছৰীয়া জিয়া নামৰ এগৰাকী মহিলাই ডিমেনচিয়াত আক্ৰান্ত স্বামীৰ যত্ন লোৱাৰ মুহূৰ্তবোৰ চিত্ৰায়ণ কৰিছে।  জিয়াৰ এই যাত্ৰাত এগৰাকী বৃদ্ধাৰ সংগ্ৰাম আৰু সপোন অন্বেষণ সুন্দৰ তথা হৃদয়স্পৰ্শী সমাহাৰ ঘটিছে। ।

পৰিচালকৰ বিষয়ে:

জিনছুই ছং: চীনৰ শ্বেনজেনত ডাঙৰ-দীঘল হোৱা জিনছুইয়ে পৰম্পৰাগত মূল্যবোধ আৰু আধুনিক আকাংক্ষাৰ মাজৰ ভাৰসাম্য ৰক্ষা কৰি ছবি নিৰ্মাণ কৰি আহিছে। তেওঁৰ ছবিসমূহে চীনা আৰু চীনা-আমেৰিকান মহিলাসকলৰ অভিজ্ঞোক প্ৰতিফলিত কৰি আহিছে। 

৩) আমেৰিকান ড্ৰিম

ৰেনী শ্বিৰ এই এনিমেচন ছবি খনত এগৰাকী কণমানি ছোৱালীৰ কাহিনী কোৱা হৈছে,  যিয়ে তেওঁৰ বিদ্যালয়ত দুৰ্বৃত্তই গুলীচালনা কৰি কৰা মৃত্যুৰ খেলা স্বচক্ষে প্ৰত্যক্ষ কৰিছিল। ছবিখন সেই ঘটনাৰ  বলি হোৱা সকলোৰ  বাবে উৎসৰ্গা কৰা হৈছে। এই ছবিখনে এনে ঘটনাই মনত ছাপ বহওৱা বহু কথাই চিত্ৰিত কৰিছে। 

পৰিচালকৰ বিষয়ে:

ৰেনী শ্বি: ভাৰ্জিনিয়াৰ ফেয়াৰফেক্সত জন্মগ্ৰহণ কৰা ৰেনীৰ মন হাইস্কুলীয়া জীৱনৰ পৰাই  ছবি অঁকা, এনিমেচন, লিখা-মেলা কৰা আদিৰ  প্ৰতি আকৰ্ষণ আছিল । "আমেৰিকান ড্ৰিম" ছবি খনৰ জড়িয়তে তেওঁ মাৰ্কিন বিদ্যালয়ত গুলীচালনাৰ বলি হৈ মৃত্যুক সাৱটি লোৱাসকলৰ প্ৰতি এক আন্তৰিক শ্ৰদ্ধাঞ্জলি।

৪) হেপী ইনডিপেণ্ডেন্স ডে’

কেমিলা ছেগিনকন পৰিচালিত এই ছবিখন কাজাখস্তানৰ নতুন পৰিচয়ৰ সন্ধানৰ অন্বেষণ কৰিছে। ছবি খনে সমাজ আৰু ৰাজনৈতিক পৰিৱৰ্তনৰ মাজত প্ৰেম হেৰুৱাই জীৱনৰ অৰ্থ বিচাৰি সংগ্ৰাম কৰা আদবয়সীয়া এগৰাকী লোক  মাৰাটৰ কাহিনী প্ৰতিফলিত কৰিছে।

পৰিচালকৰ বিষয়ে:

কেমিলা ছেগিনকন: আলমাটিৰ এগৰাকী গল্পকাৰ কেমিলাই চেণ্ট পিটাৰ্ছবাৰ্গত আইনৰ  ডিগ্ৰী লাভ কৰি কাজাখাস্তানলৈ গৈছিল। তাত তেওঁ প্ৰথমে   প্ৰযোজক, লেখিকা আৰু চিত্ৰনাট্যকাৰ হিচাবে কৰ্মজীৱন আৰম্ভ কৰিছিল। 

৫) ট্ৰায়েংগল 

জিনো হাডিৰ পৰিচালনাত নিৰ্মিত "ট্ৰায়েগল"ত  ছবি খনত যৌন নিৰ্যাতনৰ বলি হোৱা দুগৰাকী মহিলাৰ মাজৰ কৰুণ কাহিনী প্ৰতিফ্ৰলিত কৰা হৈছে। ছবি খনত তেওঁলোকে অতিক্ৰম কৰা  জটিল  পৰিস্থিতি জটিল  আৰু অভিজ্ঞতাসমূহক  সূক্ষ্মভাবে দৰ্শকৰ সন্মুখত তুলি ধৰা হৈছে। 

পৰিচালকৰ বিষয়ে:

জিনো হাদী: চুলেমানিয়াত জন্মগ্ৰহণ কৰা জিনোৱে চুলেমানিয়া বিশ্ববিদ্যালয়ৰ পৰা সাংবাদিকতা বিষয়ত ডিগ্ৰী লাভ কৰাৰ লগতে পিছলৈ চিনেমা বিষয়ত স্নাতক ডিগ্ৰী লাভ কৰিছিল।

"এছিয়ান মহিলা চলচ্চিত্ৰ নিৰ্মাতা" পেকেজৰ জড়িয়তে চিনেমাৰ মাধ্যমেৰে নাৰীৰ  কণ্ঠক শক্তিশালী ৰূপত উপস্থাপন কৰা হৈছে। এই ছবিসমূহে দৰ্শকক কেৱল মনোৰঞ্জন প্ৰদান কৰাই নহয়, বিভিন্ন সাংস্কৃতিক পটভূমিৰ পৰা অহা নাৰীৰ  পৃথিৱী খনক নাৰীৰ দৃষ্টিৰে চোৱাৰ অৱকাশ দিছে।