দেশৰ মাটিত ছুপাৰ ফ্লপ হ'লেও বিদেশত ছুপাৰহিট হৈছিল বলীউডৰ এই ৮খন চিনেমা

১)হেপ্পী নিউ ইয়েৰ (Happy New Year): ফাৰাহ খানৰ পৰিচালনাত নিৰ্মিত এই ছবিখনৰ কাষ্টিং আছিল অতি উত্তম। শ্বাহৰুখ খান, দীপিকা পাডুকন, বোমান ইৰাণীৰ সৈতে নিৰ্মিত এই চিনেমাখনে ভাৰতত বিশেষ ব্যৱসায় কৰা নাছিল। ভাৰতীয় দৰ্শকে এই ছবিখন বেছি ভাল নাপালে। অৱশ্যে আন্তঃৰাষ্ট্ৰীয় বজাৰত এই চিনেমাখনে বহুত ভাল প্ৰদৰ্শন কৰিছে। ছবিখনে বিদেশৰ পৰা লাভ কৰিছিল প্ৰায় ৯৬ কোটি টকা।

২)কৃষ ৩(Krish 3): ‘কয়ি মিল গয়া’ৰ পিছত ৰাকেশ ৰোশনে ‘কৃষ’ ছবি নিৰ্মাণ কৰি যথেষ্ট সফলতা লাভ কৰিছিল। সেয়ে তেওঁ এই চিনেমাৰ চিকুৱেল বনাই থাকিল। শেষবাৰৰ বাবে মুক্তি পোৱা ছবিখন আছিল কৃষ ৩। কিন্তু ভাৰতীয় দৰ্শকে এই ছবিখন ভাল নাপালে। ছুপাৰহিৰো আধাৰিত এই ছবিখনে আকৌ বহিঃৰাষ্ট্ৰত সমালোচকৰ প্ৰশংসা লাভ কৰিবলৈ সক্ষম হয়। এই ছবিখনে আন্তঃৰাষ্ট্ৰীয় বজাৰত ৫৪ কোটি টকাৰ ব্যৱসায় কৰিছিল।

৩)ব’ল বচ্চন(Bol Bachchan): ৰোহিত শ্বেট্টীৰ পৰিচালনাত নিৰ্মিত এই ছবিখনত অভিনয় কৰিছিল অজয় ​​দেৱগণ, অভিষেক বচ্চন আৰু আছিনে। এই ছবিখনো দৰ্শকে ভাল নাপালে। একচন-কমেডী ছবিখনত অভিষেক বচ্চনৰ অতি নাটকীয় অভিনয়ক দৰ্শকে সমালোচনা কৰে। এই ছবিখনে আন্তঃৰাষ্ট্ৰীয় বজাৰৰ পৰা ২২ কোটি টকা উপাৰ্জন কৰিছিল।

৪)ব্লু(Blue): মূলতঃ এই একচন চিনেমাখন পানীৰ তলৰ দুঃসাহসিক কাহিনীৰ ওপৰত আধাৰিত আছিল। এই ছবিখনে ভাৰতীয় চিনেমা সমালোচকৰ পৰা ব্যাপক সমালোচনা লাভ কৰিছিল। অৱশ্যে ‘ব্লু’য়ে বিদেশৰ মাটিতহে ভাল ব্যৱসায় কৰে। বিদেশী বজাৰৰ পৰা এই ছবিখনে বক্স অফিচত উপাৰ্জন কৰিছিল ১১৮ কোটি টকা।

৫)জৱ হেৰী মেট ছেজল((Jab Harry Met Sejal): শ্বাহৰুখ খান, অনুষ্কা শৰ্মা অভিনীত এই ছবিখনেও ভাৰতীয় বক্স অফিচত ভাল প্ৰদৰ্শন কৰা নাছিল। এই ছবিখনত শ্বাহৰুখ খানৰ ভাবমূৰ্তি ম্লান হৈ পৰে। কিন্তু ছবিখনে বিদেশত ভাল ব্যৱসায় কৰিলে। ছবিখনৰ বাবে আন্তঃৰাষ্ট্ৰীয় বজাৰৰ পৰা ৬৭.৬৬ কোটি টকা লাভ কৰে।

৬)গোলমাল এগেইন(Golmaal Again): গোলমাল এগেইনে ভাৰতত ভাল সঁহাৰি নাপালে। বহু ডাঙৰ ডাঙৰ তাৰকাই অভিনয় কৰিলেও ছবিখন বক্স অফিচত হিট নহ’ল। কিন্তু বিদেশত ছবিখনে ভাল প্ৰদৰ্শন কৰিলে। বিদেশৰ পৰা প্ৰায় ৪৬ কোটি টকা উপাৰ্জন কৰিবলৈ সক্ষম হয় এই ছবিখনে।

৭)টিউবলাইট (Tubelight): ছলমান খানৰ কেৰিয়াৰৰ অন্যতম গুৰুত্বপূৰ্ণ ছবি আছিল টিউবলাইট। ছবিখনত তেওঁৰ অভিনয়ক অতিশয় শলাগ লৈছিল। কিন্তু এই ছবিখনে বক্স অফিচত ধন সংগ্ৰহ কৰাত ব্যৰ্থ হ’ল। ভাৰত-চীন যুদ্ধৰ পৰিপ্ৰেক্ষিতত এই ছবিখনে বহিঃৰাষ্ট্ৰৰ পৰা লাভ কৰিছিল ৫১ কোটি টকা।

৮)বদ্ৰীনাথ কী দুলহানিয়া(Badrinath Ki Dulhania): বৰুণ ধাৱান আৰু আলিয়া ভাট অভিনীত এই ছবিখনে ভাৰতীয় বক্স অফিচত ভাল সঁহাৰি নাপালে। এই ছবিখনে বিদেশৰ পৰা উপাৰ্জন কৰিছিল ৩৪ কোটি টকা।